Մեկնություն Ավետարան ըստ Մատթեոսի 17:8

Հովհաննես Ծործորեցի

Նրանք աչքները բարձրացրին եւ Յիսուսից բացի ոչ ոքի չտեսան:
   

   Բարձրացրին աչքերը և ոչ ոքի չտեսան, բացի Հիսուսից:

   Ինչպես Հորդանանում [Հիսուսին] Հովհաննեսից զատեց-առանձնացրեց Հոգու աղավնակերպ էջքը, այդպես էլ այստեղ՝ մենակ մնալը, որպեսզի պարզ դառնար, որ ձայնը երկնքից եկավ ո՛չ այլ մեկի, քան միայն Քրիստոսի համար: Մովսեսն ու Եղիան անհետացան, նաև որովհետև Հոգին, որ բերեց Եղիային և [դժոխքից] հանեց կանգնեցրեց Մովսեսին, նրանց խոսակցության ավարտից հետո նրանց հափշտակեց նույն տեղը, քանի որ կարիք չունեին Որդու մասին սովորելու այն, ինչ կանխավ ստույգ գիտեին: Աշակերտներն էին, որ պիտի սովորեին այն, ինչ չգիտեին՝ թե ինչի՛ համար եղավ [Քրիստոսի] գալուստը: Գնացին նրանք, նաև որպեսզի [աշակերտները] չտարվեին նրանց խոսակցությամբ, այլ ուշադրությունը սևեռեին Հոր խոսքի վրա, և Տիրոջ խոսքը չխառնվեր ծառաների [խոսքի] հետ, [աշակերտների] միտքը չպղտորվեր, և չմոռացվեին Երուսաղեմում [Հիսուսի] ունենալիք վախճանի մասին Հոր և մարգարեների ասածները: Ուստի մնաց միայն Հիսուսը, որպեսզի իրականացներ նրանց ասածները:
   

Ստեփանոս Սյունեցի

Նրանք աչքները բարձրացրին եւ Յիսուսից բացի ոչ ոքի չտեսան:
   

   «Իրենց աչքերը բարձրացնելով՝ տեսան միայն Հիսուսին»:

   Այսինքն՝ Ավետարանը,  օրենքները և  մարգարեությունները միաբանված և մեկ եղած:
   

Մաղաքիա արք. Օրմանյան

Նրանք աչքները բարձրացրին եւ Յիսուսից բացի ոչ ոքի չտեսան:
   
Տե՛ս Մեկնություն Ավետարան ըստ Մատթեոսի գլուխ 17:2