Ա. Լոպուխին
«Եվ մուտքի դարպասի առջևից մինչև ներքին դարպասի առջևը՝ հիսուն կանգուն»։ [15] (Սինոդական թարգ․)
«Մինչև ներքին դարպասի առջևը» - ոչ ճշգրիտ թարգմանությունն է եբրայեցերեն տեքստի. «Մինչև ներքին դարպասի նախասրահի դիմաց (մուտքը գավթից)։ Համաձայն դարպասային ամբողջ կառույցի լայնության, որի չափումները կատարվել են 13-րդ համարում, այստեղ նշվում է այդ կառույցի ընդհանուր երկարությունը՝ 50 կանգուն, այսինքն՝ լայնությունից երկու անգամ ավելի․ դա մի համամասնություն է, որը պահպանված է նույնիսկ ներկայիս տաճարի բոլոր կառույցների պարագայում (դա նաև շատ ավելի պարզ եղանակ է)։ Այս ընդհանուր երկարությունը կարելի է հաշվարկել մինչև այժմ հիշատակված թվերի միջոցով․ արտաքին պատը՝ 6 կանգուն, 6 x 3 կանգուն՝ կողային սենյակները, 5x2 կանգուն՝ նրանց միջև առկա սյուները, 6 կանգուն՝ մյուս շեմը կամ դարպասի երկրորդ հիմնական պատը, 8+2 կանգուն՝ սյունասրահը և նրա պատերը (սա հավասար է 9-րդ համարում հիշատակված սյուների հաստությանը):
--------------------------------
[15](Էջմիածին թարգ․) Արտաքին գաւթից մինչեւ ներքին դուռը կամարի թռիչքը յիսուն կանգուն էր:
(Արարատ թարգ․) Մուտքի դարպասի առաջից մինչև նախասրահի ներքին դարպասի առաջ՝ հիսուն կանգուն.
(Գրաբար) Եւ զմիջոց կամարի դրանն ներքնոյ, 'ի յիսուն կանգնոյ:
Հաղորդում կայքում սխալի վերաբերյալ
Տվյալ հատվածում առկա է սխալ: