Օսեեի մարգարեության մեկնություն 2:5

Ա․ Լոպուխին

Քանզի պոռնկացավ նրանց մայրը, և խայտառակեց իրեն նրանց ծնողը, քանզի ասաց․ «Կգնամ իմ սիրեկանների հետևից, որոնք ինձ հաց և ջուր են տալիս, բուրդ և սպիտակեղեն, յուղ և խմիչքներ»։ (Սինոդական թարգ․) [5]
   
   Մոր (Իսրայելի) պոռնկությանը (կռապաշտությանը)  հակվելու պատճառն այն կեղծ մտքի մեջ է, որ կուռքերը (սիրեկանները) նրան տալիս են և՛ սնունդ, և՛ հագուստ, և՛ բոլոր անհրաժեշտ բաները։ «Բուրդ» և «սպիտակեղեն» բառերի փոխարեն սլավոներեն և հունարեն տեքստերում «իմ հագուստը և իմ կերպասը» տարբերակն է։
--------------------------------
[5](Էջմիածին թարգ․) Քանի որ չափից դուրս պոռնկացաւ նրանց մայրը եւ ամօթի մէջ թողեց ում որ ծնեց, քանի որ ասաց. «Կը գնամ իմ սիրածների յետեւից, որոնք կը տան ինձ իմ հացն ու ջուրը, իմ հագուստն ու ներքնազգեստը, իմ գինին ու իմ ձէթը եւ ամէն ինչ, որ պէտք է ինձ»:
(Արարատ թարգ․) Որովհետև նրանց մայրը պոռնկացավ, նրանց հղացողը խայտառակություն գործեց, որովհետև ասաց. «Գնամ իմ սիրեկանների հետևից, որոնք տալիս են իմ հացն ու ջուրը, իմ բուրդն ու քաթանը, իմ յուղն ու ըմպելիքը»։
(Գրաբար) Զի պոռնկելով պոռնկեցաւ մայր նոցա, և յամօթ արար որ ծնաւն զնոսա. զի ասաց. Երթայց զհետ հոմանեաց իմոց, ոյք տայցեն ինձ զհաց իմ և զջուր, և զհանդերձ, և զկտաւ իմ, և զգինի իմ, և զձէթ իմ, և զամենայն ինչ որ պիտո՛յ է ինձ։