Հովհաննես Ծործորեցի
35-36. որովհետեւ քաղցած էի, եւ ինձ ուտելիք տուիք, ծարաւ էի, եւ ինձ ջուր տուիք՝ խմելու. օտար էի, եւ ինձ ձեր մէջ առաք, մերկ էի, եւ ինձ հագցրիք, հիւանդ էի, եւ ինձ տեսնելու եկաք, բանտում էի, եւ ինձ այցի եկաք»:
Որովհետև քաղցեցի, և կերակրեցիք Ինձ, ծարավեցի, ջուր տվեցիք Ինձ, օտարական էի, Ինձ ներս առաք, մերկ էի, հագցրիք Ինձ, հիվանդ էի, և տեսության եկաք Ինձ, բանտում էի, և եկաք Ինձ մոտ»:
Տե՛ս այստեղ [Տիրոջ] մարդասիրությունը, թե մի փոքր աշխատանքի դիմաց ինչպիսի բարիքներով է հատուցում, լոկ հացի և սառը ջրի, հարկի տակ առնելու և մի փոքր ծածկույթի դիմաց: Եվ որպեսզի ոչ ոք չասի. «Այսինչ բանը չունեի», ամենադյուրինն է ներկայացնում, որը բոլորի համար էլ հնարավոր է` հիվանդներին այցելել, բանտ գնալ ձերբակալվածների մոտ, որովհետև թեև [նրանց] առողջացումը կամ ազատ արձակումը քեզնից չի կախված, սակայն խոսքով սփոփելն ու նեղություններին ժուժկալությամբ համբերելն Աստծո փառքի համար` սա ամբողջապես քո անելիքն է, որովհետև [վերջինն] էլ է կարոտյալի կարիքներից մեկը:
«Քաղցեցի,-ասում է [Տերը],- և կերակրեցիք Ինձ».
կամ աղքատին [կերակրելն] է համարում Իրեն [կերակրելը], Ով մեզ համար աղքատացավ, կամ ինչպես որ նա հացի է կա-րոտ, այդպես էլ Ես, [ասում է Տերը], քո փրկությանը. ուստի երբ նրա քաղցը հացով բավարարեցիր, Ինձ էլ քո փրկությամբ հագեցրիր: Այսպես հասկացիր նաև մյուսները: Որովհետև ինչպես որ [Տերը] փորձության ժամանակ քաղցեց, այդպես էլ ծարավեց քեզ համար, Ով նաև սամարացի [կնոջից] էր ջուր խնդրում և կյանքի ջուրը շնորհեց նրան 1419: Եվ խաչի վրա ևս [ծարավեց] 1420: Իր ստեղծած աշխարհում օտարականի պես ապրեց, որպեսզի Իրենից օտարացածներիս Իր մոտ ժողովեր: Զինվորներից մերկացավ, որպեսզի մեր խայտառակությունը ծածկեր: Իջավ ստորին գբի մեջ, որպեսզի չարի խորությունների մեջ ընկղմվածներիս դուրս հաներ: Եվ թեպետ չհիվանդացավ Անախտանալին, սակայն բազմաթիվ հիվանդների այցելեց, որպեսզի մեր տկարությունները վերացներ: Ուրեմն` սրանց փոխարենն է քեզնից պահանջում և [կարիքավորների] հանդեպ գործված բարիքները Իր հանդեպ [գործված] համարում, ինչպես և ասում է [շարունակության մեջ]:
Մաղաքիա արք. Օրմանյան
որովհետեւ քաղցած էի, եւ ինձ ուտելիք տուիք, ծարաւ էի, եւ ինձ ջուր տուիք՝ խմելու. օտար էի, եւ ինձ ձեր մէջ առաք,
Տե՛ս Մեկնություն Ավետարան ըստ Մատթեոսի գլուխ 25:31
Հաղորդում կայքում սխալի վերաբերյալ
Տվյալ հատվածում առկա է սխալ: