Ա. Լոպուխին
«Քո թիավարները քեզ տարան մեծ ջրերի մեջ, արևելյան քամին քեզ կոտրեց ծովերի մեջ»։[26] (Սինոդական թարգ․)
Նկարագրվում է նավի՝ Տյուրոսի կործանումը։ Այդ կործանման պատճառներն էին՝
1) անխոհեմ քաջությունը, որին տրվելով՝ նավավարները նավը հասցրին մեծ խորության մեջ, այսինքն՝ Տյուրոսյան կառավարության համարձակ քաղաքականությունը, և
2) «արևելյան քամին»՝ «սամումը» կամ «սիրոկկոն» (Յոթանասնից թարգմանության մեջ և Վուլգաթայում ասվում է՝ «հարավային», քանի որ այն Պաղեստին էր գալիս հարավից)՝ որոնք սովորաբար կործանում էին Միջերկրական ծովում նավարկող բազմաթիվ նավերի (Սաղմ. 43:9, Գործք 27:14 և այլ տեղիներ)։ Այստեղ էլ խոսքը քաղդեացիների մասին է․ հմմտ. 17:10-րդ համարը։
--------------------------------
[26](Էջմիածին թարգ․) Ծովի սրտում, յորդ ջրերում են քշել քեզ նաւավարներդ, եւ հարաւային հողմն է խորտակել քեզ ծովի սրտում:
(Արարատ թարգ․) Թիավարներդ քեզ շատ խոր ջրերով տարան, արևելյան քամին քեզ խորտակեց ծովի սրտում։
(Գրաբար) 'ի ջուրս բազումս վարեցին զքեզ նաւավարք քո. հողմ հարաւոյ խորտակեաց զքեզ 'ի սիրտ ծովու։
Հաղորդում կայքում սխալի վերաբերյալ
Տվյալ հատվածում առկա է սխալ: