Ա․ Լոպուխին
1-7․ Եւ Տերն ասաց Ահարոնին. դու և քո որդիները և քո հոր տունը քեզ հետ միասին սրբարանում անփութության համար ձեզ վրա կկրեք ձեր մեղքը, և դու և քո որդիները քեզ հետ միասին ձեր սրբությունը խախտելու համար կկրեք ձեր մեղքերը: [1] Ինչպես նաև քեզ մոտ վերցրու քո հոր Ղևիի ցեղի որդիներին՝ քո եղբայրներին, թող նրանք քեզ մոտ լինեն և ծառայեն քեզ, իսկ դու և քո որդիները քեզ հետ միասին կլինեք վկայության խորանի մոտ, թող նրանք ծառայություն մատուցեն քեզ և ամբողջ խորանին, թող չդիպչեն միայն սուրբ սպասքին և զոհասեղանին, որպեսզի և՛ նրանք, և՛ դուք չմահանաք: Թող նրանք քեզ մոտ լինեն և իրենց ծառայությունը մատուցեն վկայության խորանում, և կատարեն խորանի աշխատանքները, իսկ կողմնակի մարդիկ թող չմոտենան ձեզ: Այսպես ձեր ծառայությունը մատուցեք սրբարանին և զոհասեղանին, որպեսզի այլևս Տիրոջ բարկությունը չիջնի Իսրայելի որդիների վրա, քանզի Ես Իսրայելի որդիների միջից վերցրեցի ձեր եղբայրներին՝ ղևտացիներին, և հանձնեցի ձեզ, որպես Տիրոջը ընծա, որպեսզի նրանք ծառայեն վկայության խորանում, և՛ դու, և՛ քո որդիները քեզ հետ միասին պահեք ձեր քահանայությունը ամեն ինչում, ինչը պատկանում է զոհասեղանին, և վարագույրի ներսի կողմին գտնվողներին, և ծառայեք. Ես ձեզ որպես ընծա տալիս եմ քահանայական ծառայությունը, իսկ կողմնակի մարդը, եթե մոտենա՝ մահվան կմատնվի։ (Սինոդական թարգ․)
Հմր․ 1–7։ Քահանաները և ղևտացիները պարտավորվում էին լինել իրենց պարտականությունների ակնածալից և ճշգրիտ կատարողները։
Ոչ մի շարքային իսրայելցի մահվան վախի ազդեցության ներքո իրավունք չուներ ներխուժելու ղևտացու ծառայության շրջանակ, և ոչ մի շարքային ղևտացի՝ քահանայի ծառայության շրջանակ։
--------------------------------
[1](Էջմիածին թարգ․) Տէրը խօսեց Ահարոնի հետ եւ ասաց. «Դու, քո որդիներն ու քո նահապետական ընտանիքը պատասխանատու էք սրբարանի սպասաւորութեան նկատմամբ կատարուող մեղսագործութիւնների համար, բայց միայն դու եւ քո որդիներն էք կրելու ձեր քահանայագործութեան ժամանակ ձեր կատարած զանցանքների պատասխանատուութիւնը:
(Արարատ թարգ․) Տերն ասաց Ահարոնին. «Դու, քո որդիները և քո հոր տունը քեզ հետ, պիտի կրեք սրբարանում գործած անօրենության պատիժը։ Դու և քո որդիները քեզ հետ, պիտի կրեք ձեր քահանայության անօրենության պատիժը։
(Գրաբար) Եւ խաւսեցաւ Տէր ընդ Ահարովնի` եւ ասէ. Դու եւ որդի քո, եւ տուն նահապետութեան քո ընդ քեզ առնուցուք զմեղս սրբութեանցն. եւ դու եւ որդիք քո առնուցուք զմեղս քահանայութեան ձերոյ:
Հաղորդում կայքում սխալի վերաբերյալ
Տվյալ հատվածում առկա է սխալ: