Սուրբ Հովհան Ոսկեբերան
Այն ժամանակ Դանիէլին ներս բերեցին թագաւորի առաջ, եւ թագաւորը ասաց Դանիէլին. «Դո՞ւ ես Դանիէլը՝ Հրէաստանի գերեվարուածներից մէկը, որին բերեց իմ հայր Նաբուքոդոնոսորը:
Սա այնպես է ասում, կարծես ցանկանում է վախեցնել և ճնշել Դանիելին: Սակայն «ում հայրս՝ թագավորը բերեց Հրեաստանից» ասելով՝ նա այս խոսքերը ուղղում է հենց իր դեմ: Սա նշանակում է, որ ինքը ևս ուներ այդ գերիների կարիքը:
Ա. Լոպուխին
13-16․ «Այդ ժամանակ Դանիելը տարվեց թագավորի առաջ, և թագավորը սկսեց խոսել ու ասաց Դանիելին. «Դո՞ւ ես Դանիելը՝ Հուդայի գերի որդիներից մեկը, որին իմ հայրը՝ թագավորը, բերեց Հրեաստանից»։ [13] «Ես քո մասին լսել եմ, որ Աստծո հոգին կա քո մեջ է, և լուսավորություն, ըմբռնողություն ու վսեմ իմաստություն կա քո մեջ»։ «Ահա, ինձ մոտ բերվեցին իմաստունները և հմայողները, որպեսզի կարդային այս գրությունը և ինձ բացատրեին դրա նշանակությունը, բայց նրանք չկարողացան դա բացատրել ինձ»։ «Իսկ քո մասին ես լսել եմ, որ կարող ես բացատրել նշանակությունը և արձակել հանգույցները. արդ, եթե կարողանաս կարդալ այս գրությունը և ինձ բացատրել դրա նշանակությունը, ապա ծիրանի կհագնես, և ոսկյա շղթա կլինի քո պարանոցին, ու թագավորության մեջ երրորդ իշխանավորը կլինես»։ (Սինոդական թարգ․)
Բաղդասարին հայտնի էր Նաբուգոդոնոսորի գահակալության պատմությունը (եթե ոչ ամբողջը, ապա գոնե նրա հիվանդության պատմությանը, 22, 18–21 համարներ), բայց Դանիելին նա չէր ճանաչում («դո՞ւ ես Դանիելը») և, ըստ ամենայնի, նրա իմաստության մասին առաջին անգամ էր լսում (16, 13 համարներ): Սրա պատճառները կարծես թե Նաբուգոդոնոսորի մահից հետո սկսված պալատական հեղաշրջումների մեջ են: Նրա որդին՝ Էվիլմերոդաքը, որը ընդամենը երկու տարի թագավորեց, սպանվեց իր քրոջ ամուսնու՝ Ներիգլիսսորի կողմից: Այս վերջինը իշխեց շուրջ 4 տարի և սպանվեց պարսիկների դեմ պատերազմում։ Նրա որդի և իրավահաջորդ Լավոսոարդաքը թագավորեց ընդամենը 9 ամիս և սպանվեց դավադիրների կողմից, որոնց թվում էր նաև Նաբոնիդը՝ Բաղդասարի հայրը: Նմանատիպ հեղաշրջումների ժամանակ անխուսափելիորեն տեղի ունեցող ազնվականների փոփոխությունն ազդեց նաև Դանիելի վրա՝ հեռացնելով նրան Բաբելոնից: Առնվազն Բաղդասարի թագավորության երրորդ տարում նա Սուսայում էր (Դան. 8։1–2): Զարմանալի չէ, որ նման պայմաններում մարգարեն հայտնի չէր Բաղդասարին:
--------------------------------
[13](Էջմիածին թարգ․) Այն ժամանակ Դանիէլին ներս բերեցին թագաւորի առաջ, եւ թագաւորը ասաց Դանիէլին. «Դո՞ւ ես Դանիէլը՝ Հրէաստանի գերեվարուածներից մէկը, որին բերեց իմ հայր Նաբուքոդոնոսորը:
(Արարատ թարգ․ 5։13) Այդ ժամանակ Դանիելը տարվեց թագավորի առաջ։ Թագավորն ասաց Դանիելին. «Դո՞ւ ես Դանիելն այն տարագիրներից, որոնց իմ հայրը բերեց Հուդայից։
(Գրաբար) Յայնժամ ածին’ի ներքս զԴանիէլ առաջի թագաւորին։ Եւ ասէ թագաւորն ցԴանիէլ. Դո՛ւ ես Դանիէլ յորդւոց գերութեանն Հրէաստանի, զոր ա՛ծ Նաբուքոդոնոսոր հայր իմ.
Հաղորդում կայքում սխալի վերաբերյալ
Տվյալ հատվածում առկա է սխալ: