Զաքարիայի մարգարեության մեկնություն 1։1

Ա․ Լոպուխին

Դարեհ արքայի երկրորդ տարվա ութերորդ ամսին Տիրոջ խոսքը հասավ Ադդովի որդի Բարաքեի որդուն` Զաքարիա մարգարեին, ու ասաց. (Սինոդական թարգ․)[1]
   
   Նախաբանի մեջ, ըստ բնագիր տեքստի, Յոթանասնիցի, Վուլգաթայի, Թարգումի, տրվում է միայն մարգարեի հայտնություն ստանալու տարին և ամիսը, իսկ ասորերեն տարբերակը հավելում է «ամսի առաջին (օրը)» արտահայտությունը: Դարեհի երկրորդ տարում. այստեղ խոսքը պարսկական թագավոր Դարեհ Ա Վշնասպի մասին է, որը թագավորել է մ․թ․ա․ 521−485 թվականներին:
--------------------------------
[1](Էջմիածին թարգ․) Դարեհ արքայի երկրորդ տարուայ ութերորդ ամսին Տիրոջ խօսքը հասաւ Ադդովի որդի Բարաքէի որդուն՝ Զաքարիա մարգարէին եւ ասաց.
(Արարատ թարգ․) Դարեհի երկրորդ տարվա ութերորդ ամսում Տիրոջ խոսքը հասավ Ադդովի որդի Բարաքիայի որդի Զաքարիա մարգարեին՝ ասելով.
(Գրաբար) Յամսեանն ութերորդի՝ յամի երկրորդի Դարեհի արքայի եղեւ բան Տեառն առ Զաքարիա մարգարէ որդի Բարաքեայ, որդւոյ Ադդովայ եւ ասէ.