Ա. Լոպուխին
33-35․ Եվ կապույտ, ծիրանագույն, մանուշակագույն և կարմիր թելերից խնձորներ կպատրաստես ու կամրացնես դրա քղանցքներին: Եվ շուրջբոլորը՝ խնձորների միջև, ոսկե զանգակներ կամրացնես: [33] Այդպես պատմուճանի քղանցքի շուրջբոլորը կլինի մի ոսկե զանգակ և մի խնձոր: Եվ պաշտամունքի ժամանակ թող այն Ահարոնի վրա լինի, և Տիրոջ առաջ մտնելիս ու ելնելիս թող լսվի նրա ձայնը, որպեսզի չմեռնի: (Սինոդական թարգ․)
Ըստ Հովսեփիոս Փլավիոսի և երանելի Հերոնիմոսի խոսքերի՝ պատմուճանի կեսից մինչև ծնկներ մեկ ու մեջ իջնում էին եռագույն, նռան ծաղկաբողբոջի ձև ունեցող զարդեր (Ելք 39:26), որոնք ամրացված են եղել կապույտ, ծիրանագույն, կարմիր թելերի մանվածքով (Ելք 39:24), ինչպես նաև՝ ոսկե զանգակներ։ Նռան ծաղկաբոբոջի ձև ունեցող զարդերը, որ հիշեցնելով նռան քաղցրությունը, մատնանշում էին քահանայապետի կողմից հայտարարվող օրենքի քաղցրությունը (Սաղմ. 118:72): Իսկ ահա Ահարոնի սրբարան մտնելու և դուրս գալու ժամանակ զանգերի հնչումը սերտ առնչություն ունի քահանայապետի անձնական անվտանգության հետ. «Եվ Ահարոնը չմեռնի»։ Մտնելով սրբարան՝ Աստծո ներկայության հատուկ վայր, Ահարոնը՝ սրբազան զգեստները հագած, ժողովրդի ներկայացուցիչն ու բարեխոսն էր, և ոչ թե սուրբ վայրի օրենքը խախտողը։ Հետևաբար Ահարոնին պետք է խորթ լիներ Աստծո մեծությունն անարգելու համար մահով պատժվելու վախը։ Հեսուի որդի Սիրաքի բացատրությունը (Սիր. 45:11) հասկանալի չի դարձնում «և նա չի մեռնի» արտահայտությունը։
--------------------------------
[33](Էջմիածին թարգ․) Ներքին պատմուճանների քղանցքներին, ներքեւի մասում մանուած կապոյտ, ծիրանի ու կարմիր թելերով եւ նրբահիւս բեհեզով նռան ծաղկաբողբոջներ կը գործես: Դրանք կը գործես ներքին պատմուճանների քղանցքների շուրջբոլորը: Այդ զարդերը թող ունենան նռան ծաղկաբողբոջի ձեւը, եւ դրանց միջեւ շուրջանակի ոսկէ զանգակներ թող լինեն:
(Արարատ թարգ․) Եվ կապույտ, ծիրանագույն և մուգ կարմիր թելերից նռներ կպատրաստես ու կամրացնես դրա քղանցքներին: Եվ շուրջբոլորը՝ նռների միջև, ոսկե զանգակներ կամրացնես:
(Գրաբար) Եւ արասցես առ ստորոտով` վտաւակացն ի ներքոյ կողմանէ` իբրեւ նռնաձեւս ծաղկեալս, ի կապուտակէ եւ ի ծիրանւոյ, եւ ի կարմրոյ մանելոյ, եւ ի բեհեզոյ նիւթելոյ առ ստորոտով վտաւակացն շուրջանակի. եւ տեսիլ նորա նռնաձեւ, եւ զանգակս ոսկիս ի մէջ նոցա շուրջանակի:
Հաղորդում կայքում սխալի վերաբերյալ
Տվյալ հատվածում առկա է սխալ: