Օգոստինոս Երանելի (†430)
Քանի որ շատերին բժշկեց, ուստի ամէն տեսակ հիւանդութիւններ ունեցող մարդիկ գալիս էին, խռնւում նրա շուրջը, որպէսզի դիպչեն նրան:
Ի՞նչ է նշանակում դիպչել, եթե չես հավատում։ Քրիստոսին հավատով հպվենք, քանզի ավելի լավ է ձեռքով չդիպչել, սակայն հավատով հպվել, քան ձեռքին դիպչել, բայց հավատք չունենալ: Քրիստոսին դիպչելը մեծ բան չէր, քանզի հրեաները դիպչում էին, երբ նրան բռնում, կապում և խաչում էին: Դիպան, բայց իրենց չար հպումով կորցրին Նրան: Հպվի՛ր հավատով, Կաթողիկե Եկեղեցի՛, հավատո՛վ հպվիր:
Թեոֆիլակտ Բուլղարացի (†1107)
Քանի որ շատերին բժշկեց, ուստի ամէն տեսակ հիւանդութիւններ ունեցող մարդիկ գալիս էին, խռնւում նրա շուրջը, որպէսզի դիպչեն նրան:
Ավետարանիչը «խոցեր» անվանում է հիվանդություններին, որովհետև հիվանդությունները մեզ իսկապես շատ բան են սովորեցնում, ուստի Աստված մեզ այս պատուհասներով պատժում է ճիշտ այնպես, ինչպես հայրն է պատժում երեխաներին:
(Այլաբանորեն) Նրանք կհետևեն Նրան։ Այդ պատճառով էլ նրանց վերքերը, այսինքն՝ խիղճը կրծող մեղքերը բուժվելու են, իսկ անմաքուր ոգիները՝ հալածվելու:
Ա. Պ. Լոպուխին (†1904)
Քանի որ շատերին բժշկեց, ուստի ամեն տեսակ հիվանդություններ ունեցող մարդիկ գալիս էին, խռնվում նրա շուրջը, որպեսզի դիպչեն նրան: (Սինոդական թարգմ․)[10]
Ժողովուրդը հիմնականում շտապում էր դեպի Քրիստոսը, իհարկե, Նրանից բժշկություն ստանալու համար։ Սա կարելի է ասել այն գալիլեացիների և հրեաների մասին, ովքեր «հետևեցին» Քրիստոսին: Մյուսները պարզապես ցանկանում էին իրենց աչքերով տեսնել, որ Քրիստոսն իսկապես բժշկում է հիվանդներին:
Մաղաքիա արք. Օրմանյան (†1918)
Քանի որ շատերին բժշկեց, ուստի ամէն տեսակ հիւանդութիւններ ունեցող մարդիկ գալիս էին, խռնւում նրա շուրջը, որպէսզի դիպչեն նրան:
Տե՛ս Մեկնություն Ավետարան ըստ Մարկոսի գլուխ 3:7
--------------------------------
[10] (Էջմիածին թարգմ․) Քանի որ շատերին բժշկեց, ուստի ամէն տեսակ հիւանդութիւններ ունեցող մարդիկ գալիս էին, խռնւում նրա շուրջը, որպէսզի դիպչեն նրան:
(Արարատ թարգմ․) Քանի որ շատերին էր բժշկել, արդ ովքեր տառապում էին հիվանդություններից, նրա վրա էին թափվում նրան դիպչելու համար։
(Գրաբար) Քանզի զբազո՛ւմս բժշկեաց. մինչ գալ խռնել զնովաւ՝ զի մերձեսցին առ նա, որք ունէին ա՛խտս ինչ:
Հաղորդում կայքում սխալի վերաբերյալ
Տվյալ հատվածում առկա է սխալ: