Սուրբ Հովհան Ոսկեբերան
Նա պիտի լինի ինչպես մոշենին անապատում. երբ բարիքը գա, այն չպիտի տեսնի, պիտի բնակվի անապատի խանձված տեղերում, աղի և անբնակ երկրում։
Այստեղ մատնանշվում է Սեդեկիան, որը Բաբելոնի թագավորի դեմ պայքարելու համար դիմել էր փարավոնին: Այս ծառը անպտուղ է, մշտապես անապատում է աճում, որևէ գործի համար պիտանի չէ և պտուղներով չի զարդարվում: Սա թույլ ծառ է:
Սուրբ Եփրեմ Ասորի
Նա պիտի լինի ինչպես մոշենին անապատում. երբ բարիքը գա, այն չպիտի տեսնի, պիտի բնակվի անապատի խանձված տեղերում, աղի և անբնակ երկրում։
Տե՛ս Երեմիայի մարգարեության մեկնություն գլուխ 17:5
Ա. Լոպուխին
«Նա պիտի լինի ինչպես մոշենին` անապատում, և չպիտի տեսնի, երբ բարիքը գա, և պիտի բնակվի տափաստանի շոգ տեղերում, անպտուղ և անբնակ երկրում»։ (Սինոդակ. թարգմ.) [6]
Անապատի հավամրգի՝ տափաստաններում աճող բույս է, իհարկե, շատ լավ չի աճում, քանի որ չի ոռոգվում:
---------------------------------------
[6] (Էջմիածին թարգմ.) Նա կը լինի ինչպէս վայրի մոշին անապատում եւ, երբ բարիքը գայ, չի նկատի. կը բնակուի անապատի աղուտներում, մի աղտաղտուկ երկրում, ուր երբեք չեն ապրի:
(Արարատ թարգմ.) Նա պիտի լինի ինչպես մոշենին անապատում. երբ բարիքը գա, այն չպիտի տեսնի, պիտի բնակվի անապատի խանձված տեղերում, աղի և անբնակ երկրում։
(Գրաբար) Եւ եղիցի իբրեւ զմոշավայրի յանապատի. եւ մի տեսցէ յորժամ գայցէ բարութիւն. եւ բնակեսցէ յաղտաղտուկս անապատի, յերկիր աղտաղտուկ՝ ուր ոչ երբէք բնակիցին։
Հաղորդում կայքում սխալի վերաբերյալ
Տվյալ հատվածում առկա է սխալ: