Սուրբ Հովհան Ոսկեբերան
եւ եգիպտացիների արքայ Նեքաւով փարաւոնի զօրաբանակի մասին, որը գտնւում էր Եփրատ գետի մօտ, Քարքամիսում, եւ որին Հրէաստանի Յոսիա արքայի որդի Յովակիմի չորրորդ տարում ջախջախեց բաբելացիների Նաբուքոդոնոսոր արքան:
Դա ասվել է այն ժամանակ (սա Եգիպտոսի վերաբերյալ կանխատեսման սկիզբը չէ, այլ այն ժամանակ ասվածի հիշեցումը), երբ այս Նեհաոն, հաղթելով Հովսիային, գահ բարձրացրեց Հովաքազին: Իսկ երբ եկավ Նաբուգոդոնոսորը, նա ջախջախեց Հովաքազին և գահին բարձրացրեց Հովակիմին: Երբ նրա թագավորությունը երերաց, Եգիպտոսի թագավորը, հասնելով Եփրատ, պատերազմեց Նաբուգոդոնոսորի դեմ: Քանի որ հրեաները շատ էին մտածում եգիպտացիների հզորության մասին և շատ էին ցանկանում նրանցից օգնություն ստանալ, ուստի նա սպառնում է Նեհաոյի պարտությամբ և կործանմամբ, իսկ պատերազմի մասին խոսելով` անօգուտ է համարում կռվող հրեաներին օգնելը:
Մյուս փարավոնը Ուաֆրին (Οὐαφρήν) էր, իսկ այս մեկը Նեոն է: Տե՛ս, թե ինչպես է Աստված ժամանակից շուտ օրինակների միջոցով խրատում նրանց: Նա ծանր պարտություն կրեց, այդ նույն ժամանակ պարտվեց նաև Հովակիմը, սակայն նրանք ամենևին էլ ավելի լավը չդարձան: Տե՛ս, թե որտեղ հանդիպեց՝ Եփրատի ափին:
Սուրբ Եփրեմ Ասորի
եւ եգիպտացիների արքայ Նեքաւով փարաւոնի զօրաբանակի մասին, որը գտնւում էր Եփրատ գետի մօտ, Քարքամիսում, եւ որին Հրէաստանի Յոսիա արքայի որդի Յովակիմի չորրորդ տարում ջախջախեց բաբելացիների Նաբուքոդոնոսոր արքան:
Տե՛ս Երեմիայի մարգարեության մեկնություն գլուխ 46:1
Ա. Լոպուխին
«Եգիպտոսի մասին, Նեքավով փարավոնի` Եգիպտոսի թագավորի զորքի մասին, որը Եփրատ գետի մոտ՝ Քարքեմիշում էր, և որին ջախջախեց Նաբուգոդոնոսորը` Բաբելոնի թագավորը, Հովակիմի` Հուդայի թագավոր Հովսիայի որդու չորրորդ տարում»: (Սինոդական թարգմ.) [2]
Այս համարը որպես ներածություն ծառայում է միայն այս գլխի 8–12 համարների համար: Սա, իհարկե, 3–12–րդ համարներն ընդգրկող խոսքին ավելացվել է Կարքեմիշի մոտ եգիպտացիների կրած պարտությունից հետո: Կարքեմիշի մասին լրացուցիչ տեղեկություններ ստանալու համար ընթերցի՛ր Եսայի 10:9–րդ համարի մեկնաբանությունը: Եգիպտական բանակը, կարծես, արդեն երկար ժամանակ կանգնած էր այստեղ և, գուցե, պաշարել էր քաղաքը, երբ Նաբուգոդոնոսորն իր հոր հրահանգով հարձակվեց նրա վրա: Սա, հավանաբար, տեղի է ունեցել Հովակիմի թագավորության 4–րդ տարում (մ.թ.ա. 605 թ.):
Տե՛ս Երեմիայի մարգարեության մեկնություն գլուխ 46:1
----------------------------------
[2](Էջմիածին թարգմ.) եւ եգիպտացիների արքայ Նեքաւով փարաւոնի զօրաբանակի մասին, որը գտնւում էր Եփրատ գետի մօտ, Քարքամիսում, եւ որին Հրէաստանի Յոսիա արքայի որդի Յովակիմի չորրորդ տարում ջախջախեց բաբելացիների Նաբուքոդոնոսոր արքան:
(Արարատ թարգմ.) Եգիպտոսի մասին, Եգիպտոսի Նեքավով փարավոնի զորքի մասին, որ Եփրատ գետի մոտ՝ Քարքեմիշում էր, որին Բաբելոնի Նաբուգոդոնոսոր թագավորը ջախջախեց Հուդայի թագավոր Հովսիայի որդի Հովակիմի չորրորդ տարում.
(Գրաբար) եւ ի վերայ զաւրացն փարաւովնի Նեքաւովայ արքային եգիպտացւոց, որ էր առ Եփրատ գետով ի Քարքամիս. զոր եհար Նաբուքոդոնոսոր արքայ բաբելացւոց. յամին չորրորդի Յովակիմայ որդւոյ Յովսիայ արքայի Հրէաստանի։
Հաղորդում կայքում սխալի վերաբերյալ
Տվյալ հատվածում առկա է սխալ: