Ա․ Լոպուխին
7-8․ Ձեր հայրերի օրերից դուք հեռացել եք Իմ օրենքներից և չեք հետևում դրանց, դարձե՛ք դեպի ինձ, և Ես դեպի ձեզ կդառնամ, ասում է Զորությունների Տերը։ Դուք կասեք․ «ինչպե՞ս դառնանք»։ [7] Մի՞թե մարդ կարող է թալանել Աստծուն։ Իսկ դուք թալանում եք Ինձ։ Կասեք․ «ինչպե՞ս ենք մենք Քեզ թալանում»՝ տասնորդով և ընծաներով։ (Սինոդական թարգ․)
Տերը հրեաներին ուղղվելու, ապաշխարելու կոչ է անում, սակայն նրանք չեն ցանկանում հասկանալ Նրա առաջ իրենց ունեցած մեղքը, և զարմանում են այս հրավերի վրա․ նրանք Աստծո առաջ ոչնչով մեղավոր չեն։ Այդ ժամանակ Աստված ուղղակի հայտարարում է նրանց մեղքը․ նրանք, տասանորդի և ընծաների մեջ թալանում կամ, ավելի ճիշտ, խաբում են Աստծուն։
«Տասանորդի» մասին ընթերցի՛ր Ղևտ․ 27։30 և հաջորդ, Թվ․ 18։20 և հաջորդ, Բ Օր․ 15։22 և հաջորդ համարների մեկնաբանությունները։
«Ընծաների» մասին ընթերցի՛ր Եզ․ 44։30 համարի մեկնաբանությունը․ դրա և այլ բաների մասին ընթերցի՛ր Նեեմ․ 10։38 և հաջորդ, 13։10−12 համարների մեկնաբանությունները։
--------------------------------
[7](Էջմիածին թարգ․) Իսկ դուք, Յակոբի որդիներ, հեռու չէք մնում ձեր հայրերի մեղքերից, խուսափում էք իմ օրէնքներից եւ չէք պահում դրանք: Դարձէք դէպի ինձ, եւ ես կը դառնամ դէպի ձեզ, - ասում է Ամենակալ Տէրը: Դուք ասում էք. «Ինչո՞վ դառնան»:
(Արարատ թարգ․) Ձեր հայրերի օրերից ի վեր խոտորել եք իմ կանոններից և դրանք չեք պահել. ե՛տ դարձեք դեպի ինձ, և ես էլ դեպի ձեզ կդառնամ,- ասում է Զորքերի Տերը։- Բայց դուք ասում եք. Ինչպե՞ս ետ դառնանք։
(Գրաբար) եւ դուք, որդիք Յակոբու, ոչ կացէք ի բաց ի մեղաց հարցն ձերոց. խուսափեցէք յաւրինաց իմոց, եւ ոչ պահեցէք զնոսա։ Դարձարուք առ իս՝ եւ ես դառնամ առ ձեզ՝ ասէ Տէր ամենակալ. եւ ասացէք. Ի՞ւ դարձցուք։
Հաղորդում կայքում սխալի վերաբերյալ
Տվյալ հատվածում առկա է սխալ: