1. Եւ յամսեանն եւթներորդի որ աւր մի ամսոյն, կոչեցեալ սուրբ եղիցի ձեզ. զամենայն գործ սպասաւորութեան մի գործիցէք. աւր նշանակելոց եղիցի ձեզ:
2. Եւ արասջիք ողջակէզս ի հոտ անոշից Տեառն. զուարակ մի յանդւոյ, խոյ մի, գառինս տարեւորս անարատս եւթն.
3. եւ զոհ նոցա նաշիհ զանգեալ եղով, երիս տասանորդս առ զուարակ մի, եւ երկուս տասանորդս առ խոյ մի.
4. եւ տասանորդ տասանորդ առ գառն մի եւթանեցունց գառանցն.
5. եւ նոխազ մի յայծեաց` քաւել վասն ձեր:
6. Թող զողջակէզս ամսամտիցն, եւ զոհք նոցա, եւ նուէրք նոց ըստ պայմանի իւրեանց ի հոտ անոշից Տեառն:
7. Եւ ի տասներորդի նորին ամսոյ, կոչեցեալ սուրբ եղիցի ձեզ, եւ լլկեսջիք զանձինս ձեր. զամենայն գործ սպասաւորութեան մի գործիցէք:
8. եւ մատուսջիք ողջակէզս ի հոտ անոշից ընձայս Տեառն. զուարակ մի յանդւոյ, խոյ մի, գառինս տարեւորս եւթն անարատք լինիցին ձեզ.
9. եւ զոհ նոցա նաշի զանգեալ իւղով, երիս տասանորդս առ զուարակ մի, եւ երկուս տասանորդս առ խոյ մի.
10. եւ տասանորդ տասանորդ առ գառն մի եւթանեցունց գառանցն:
11. եւ նոխազ մի յայծեաց վասն մեղաց` քաւել վասն ձեր. թող զվասն մեղացն եւ քաւութեան, եւ զողջակէզսն հանապազորդս` եւ զզոհ նորին. եւ զնուէր նորին ըստ պայմանի իւրում ի հոտ անոշից ընձա Տեառն:
12. Եւ յաւուրն հնգետասաներորդի նորին եւթներորդի ամսւոյ, կոչեցեալ սուրբ եղիցի ձեզ. զամենայն գործ սպասաւորութեան մի գործիցէք, եւ տաւնեսջիք զնա տաւն Տեառն զեւթն աւր:
13. եւ մատուսջիք ողջակէզս ընձայս ի հոտ անոշից Տեառն: Յաւուրն առաջնում զուարակս յանդւոյ երեքտասան. խոյս երկուս. գառինս տարեւորս չորեքտասան, անարատք լինիցին:
14. եւ զոհք նոցա նաշիհ զանգեալ իւղով, երիս տասանորդս առ զուարակ մի, երեքտասանեցունց զուարակացն. եւ երկուս տասանորդս առ խոյ մի, երկոյցունց խոյւոցն.
15. եւ տասանորդ տասանորդ առ մի գառնն չորեքտասնեցունց գառանցն:
16. եւ նոխազ մի յայծեաց վասն մեղաց: թող զհանապազորդ ողջակէզս եւ զզոհս եւ զնուէրս նոցա:
17. Եւ յաւուրն երկրորդի զուարակս երկոյտասան, խոյս երկուս, գառինս տարեւորս անարատս չորեքտասան:
18. եւ զոհք նոցա` եւ նուէրք զուարակացն, եւ խոյիցն, եւ գառանցն` ըստ թուոյ նոցա եւ ըստ պայմանի իւրեանց:
19. եւ նոխազ մի յայծեաց վասն մեղաց. թող զհանապազորդ ողջակէզսն, եւ զզոհս նոցա, եւ զնուէրս իւրեանց:
20. Եւ յաւուրն երրորդի զուարակ մետասան, խոյս երկուս. գառինս տարեւորս անարատս չորեքտասան.
21. եւ զոհ նոցա եւ նուէր զուարակացն, եւ խոյիցն, եւ գառանցն, ըստ թուոյ նոցա.
22. եւ ըստ պայմանի իւրեանց, եւ քաւշ մի յայծեաց վասն մեղաց. թող զհանապազորդ ողջակէզս, եւ զզոհս նոցա, եւ զնուէրս իւրեանց:
23. Եւ յաւուրն չորորդի զուարակս տասն, խոյս երկուս. գառինս տարեւորս անարատս չորեքտասան.
24. եւ զոհք նոցա եւ նուէր զուարակացն, եւ խոյիցն, եւ գառանցն, ըստ թուոյ նոցա եւ ըստ պայմանի իւրեանց.
25. եւ նոխազ մի յայծեաց վասն մեղաց. թող զհանապազորդ ողջակէզս, եւ զզոհս նոցա, եւ զնուէրս իւրեանց:
26. Եւ յաւուրն վեցերորդի զուարակս ութ, խոյս երկուս, գառինս տարեւորս անարատս չորեքտասան.
27. եւ խոյք նոցա եւ նուէրք զուարակացն եւ խոյոցն, եւ գառանցն, ըստ թուոյ նոցա, եւ ըստ պայմանի իւրեանց.
28. եւ նոխազ մի յայծեաց վասն մեղաց. թող զհանապազորդ ողջակէզսն, եւ զզոհս նոցա, եւ զնուէրս իւրեանց:
29. Եւ յաւուրն եւթներորդի զուարակս ութ, խոյս երկուս, գառինս տարեւորս անարատս չորեքտասան.
30. եւ զոհք նոցա եւ նուէրք զուարակացն, եւ խոյիցն, եւ գառանցն, ըստ թուոյ նոցա, եւ ըստ պայմանի իւրեանց.
31. եւ նոխազ մի յայծեաց վասն մեղաց. թող զհանապազորդ ողջակէզսն, եւ զզոհս նոցա, եւ զնուէրս իւրեանց:
32. Եւ յաւուրն ութերորդի ելք լինիցին ձեզ. զամենայն գործ սպասաւորութեան մի գործիցէք ի նմա:
33. եւ մատուսջիք ողջակէզս ի հոտ անոշից ընծայս Տեառն, զուարակ մի, խոյ մի, գառինս տարեւորս անարատս եւթն:
34. եւ զոհք նոցա եւ նուէրք զուարակին, եւ խոյին, եւ գառանցն ըստ թուոյ նոցա` ըստ պայմանի իւրեանց.
35. եւ նոխազ մի յայծեաց վասն մեղաց. թող զհանապազորդ ողջակէզսն, եւ զզոհս նոցա, եւ զնուէրս իւրեանց.
36. Զայս առնիցէք Տեառն ի տաւնս ձեր. թող զուխտս ձեր, եւ զողջակէզս ձեր, եւ նուէրս ձեր, եւ զփրկութիւնսն ձեր:
Հաղորդում կայքում սխալի վերաբերյալ
Տվյալ հատվածում առկա է սխալ: