1. Եւ եցոյց ինձ Տէր զՅեսու քահանայ մեծ, զի կայր առաջի հրեշտակին Տեառն. եւ սատանայ կայր ընդ աջմէ նորա՝ հակառակել ընդ նմա։
2. Եւ ասէ Տէր ցսատանայ. Սաստեսցէ ի քեզ Տէր, սատանայ, եւ սաստեսցէ Տէր ի քեզ՝ որ ընտրեացն զԵրուսաղէմ. ո՞չ ապաքէն դա աւադիկ իբրեւ զխանձող մի զերծեալ ի հրոյ։
3. Եւ Յեսու՝ էր զգեցեալ հանդերձս աղտեղիս, եւ կայր առաջի հրեշտակին Տեառն։
4․ ատասխանի ետ եւ ասէ ցայնոսիկ որ կային առաջի նորա. Ի բաց արարէք զհանդերձս աղտեղիս ի նմանէ։
5. Եւ ասէ ցնա. Ահա բարձի ի քէն զանաւրէնութիւնս քո. Եւ ագուցէք դմա պճղնաւոր։ եւ դիք խոյր սուրբ ի գլուխ դորա, եւ եդին խոյր սուրբ ի գլուխ նորա. եւ զգեցուցին նմա հանդերձս։
6. Եւ հրեշտակ Տեառն կայր. եւ դնէր վկայութիւն հրեշտակն Տեառն ընդ Յեսուայ եւ ասէր.
7. Այսպէս ասէ Տէր ամենակալ. Եթէ ի ճանապարհս իմ գնասցես, եւ զհրամանս իմ պահեսցես՝ դու դատեսցիս զտուն իմ. եւ եթէ պահեսցես զսրահս իմ, տաց քեզ որ շրջիցին ի մէջ դոցա, որ կանդ աւադիկ։
8․ Բայց լուր, Յեսու քահանայ մեծ, դու եւ մերձաւորք քո որ նստինդ առաջի քո, զի արք կիւսահմայք են, զի ահաւասիկ ես ածեմ զծառայ իմ զծագումն։
9. զի զվէմն՝ զոր ետու առաջի երեսաց Յեսուայ, ի վերայ վիմին եւթն աչք են. ահաւասիկ ես փորեցից խորխորատ, ասէ Տէր ամենակալ, եւ շաւշափեցից զամենայն անաւրէնութիւնս երկրին այնորիկ յաւուր միում։
10. Յաւուր յայնմիկ, ասէ Տէր ամենակալ, կոչեսջիք ամենեքեան զընկեր իւր ընդ որթով եւ ընդ թզենեաւ։
Հաղորդում կայքում սխալի վերաբերյալ
Տվյալ հատվածում առկա է սխալ: