1. Այլ վասն պաշտամանն որ ի սուրբսն է, աւելի՛ է ինձ եւ գրել առ ձեզ:
2. Զի գիտեմ զյաւժարութիւն ձեր, զոր վասն ձե՛ր պարծեցեալ եմ ի մէջ մակեդովնացւոցն, թէ աքայեցիքն ի հերո՛ւն հետէ պատրաստ են. եւ ձեր նախանձն զբազո՛ւմս յորդորեաց:
3. Եւ առաքեցաք զեղբարսն, զի մի՛ պարծանքն մեր որ վասն ձեր՝ ընդունայն լինիցի ի մասինդ յայդմիկ: Այլ որպէս ասէի՛ իսկ, պատրաստագո՛յնք գտանիջի՛ք.
4. գուցէ՛ յորժամ գայցեն ընդ մեզ մակեդովնացիքն, եւ գտանիցեն զձեզ անպատրա՛ստս, եւ ամաչեսցուք մեք. զի մի՛ ասասցուք՝ թէ դուք, ի մասինդ յայդմիկ պարծանաց:
5. Արդ՝ կարեւո՛ր համարեցայ աղաչել զեղբարս, զի յառաջագոյն եկեսցեն առ ձեզ, եւ յառաջագոյն պատմեսցեն զյառաջագոյն խոստացեալ աւրհնութիւնն ձեր ի պատրաստի ունել. այնպէս իբրեւ զաւրհնութիւն, եւ մի՛ իբրեւ զագահութիւն:
6. Քանզի զայդ որ սերմանէ ճժդելով՝ ճժդելով եւ հնձեսցէ. եւ որ սերմանէ առատութեամբ՝ առատութեա՛մբ եւ հնձեսցէ,
7. իւրաքանչիւր որպէս եւ յաւժարեսցի ոք սրտիւ, մի՛ առ հարկի եւ տրտմութեան. քանզի զտուրս զուարթառա՛տս սիրէ Աստուած:
8. Այլ կարաւղ է Աստուած զամենայն շնորհս առաւելուլ ի զի յամենայնի յամենայն ժամ զամենայն բաւականութիւն ընկալեալ, առաւելուցո՛ւք յամենայն գործս բարութեան,
9. որպէս եւ գրեալ Սփռեաց եւ ետ տնանկաց՝ արդարութիւն նորա մնա՛յ յաւիտեան:
10. Այլ այն որ պարգեւէ սերմն սերմանահանաց՝ եւ հա՛ց ի կերակուր, պարգեւեսցէ՛ եւ բազմացուսցէ զսերմանիս ձեր, եւ աճեցուսցէ՛ զարդիւնս արդարութեան ձերոյ.
11. յամենայնի՛ մեծացեալք ամենայն առատութեամբ, որ յաւրինէն մեւք գոհութիւն Աստուծոյ:
12. Զի պաշտաւն հարկիս այսորիկ՝ ո՛չ միայն առ ի լնուլ զպակասութիւն սրբոցն է, այլ առաւելո՛ւլ բազմաւք գոհութիւն Աստուծոյ.
13. հանդիսիւ պաշտամանս այսորիկ, փառաւորե՛լ զԱստուած ի վերայ հնազանդութեան խոստովանութեան ձերոյ յաւետարանն Քրիստոսի. եւ առատութեամբ հաղորդութեանն ի նոսա եւ յամենեսին:
14. Եւ նոցա աղաւթք վասն ձեր քանզի անձկացեալ են առ մեզ վասն առաւել շնորհացն Աստուծոյ՝ որ ի մեզ:
15. Այլ շնո՛րհք Աստուծոյ ի վերայ անպատում պարգեւա՛ցն նորա:
Հաղորդում կայքում սխալի վերաբերյալ
Տվյալ հատվածում առկա է սխալ: