Դանիելի մարգարեության մեկնություն 3(2):10

Սուրբ Հովհան Ոսկեբերան

Աստղագուշակները նորից պատասխանեցին թագավորին և ասացին. «Երկրի վրայ չկայ մի մարդ, որ կարողանայ հայտնել թագավորի ուզած բանը: Ոչ մի թագավոր և իշխան այդպիսի բան չի հարցնի իմաստունին, մոգին և աստղագուշակին,
   
   Ուշադրությո՛ւն դարձրու,  որ քաղդեացի իմաստունները Դանիելին չեն հրավիրում։ Նրանք որոշում են մեռնել, քան նրան փառավորված տեսնել:
   

Ա. Լոպուխին

10-12.«Քաղդեաները պատասխանեցին թագավորին և ասացին. «Երկրի վրա մարդ չկա, որ կարողանա թագավորի առաջ բացահայտել այդ գործը, և դրա համար էլ ոչ մի թագավոր՝ մեծամեծ ու հզոր, սրա նման մի բան չի պահանջել ոչ մի մոգից, գուշակից և քաղդեայից»։[10] « Այն գործը, որը թագավորը է պահանջում, այնքան դժվար է, որ ոչ ոք չի կարող այն բացահայտել թագավորի առաջ, բացի աստվածներից, որոնք մարմնի մեջ չեն բնակվում»»։ «Թագավորը բարկացավ և խիստ զայրացավ այդ բանի պատճառով և հրամայեց ոչնչացնել Բաբելոնի բոլոր իմաստուններին»։
 (Սինոդական թարգ․)

   

   Նաբուգոդոնոսորը բացահայտեց իմաստունների ծրագրերը, և նրանք, գիտակցելով հետագա արդարացումների անօգուտ լինելը, խոստովանեցին թագավորի հրամանը կատարելու հարցում իրենց անզորությունը: Նրանց հայտարարությունը, որ թագավորն իրենցից՝ պարզ մահկանացուներից, անհնարին և չլսված բան է պահանջում, որ նրա ցանկությունը կարող է բավարարվել միայն աստվածների կողմից, միաժամանակ նաև արդարացում է ու բողոք՝ ընդդեմ նշանակված պատժի: Այն Նաբուգոդոնոսորից խլեց իր տեսած երազի բովանդակությունն իմանալու վերջին հույսը և, այդպիսով, զայրացրեց նրան, որը  դրսևորվեց  բոլոր իմաստուններին ծեծելու հրամանով: Քանի որ ​​ պարզվեց, որ իրենց վերին գիտելիքներ վերագրողների ներկայացուցիչները խաբեբաներ են, ուստի  ակնհայտորեն խաբեբաներ էին նաև նրանց օգնականները՝ երկրորդական իմաստունները:
--------------------------------
[10] (Էջմիածին թարգ․) Աստղագուշակները նորից պատասխանեցին թագաւորին եւ ասացին. «Երկրի վրայ չկայ մի մարդ, որ կարողանայ յայտնել թագաւորի ուզած բանը: Ոչ մի թագաւոր եւ իշխան այդպիսի բան չի հարցնի իմաստունին, մոգին եւ աստղագուշակին,
(Արարատ թարգ․ 2։10) Քաղդեաները պատասխանեցին թագավորին և ասացին. «Երկրի վրա մարդ չկա, որ կարողանա թագավորի պահանջած բանն անել, և դրա համար էլ ոչ մի թագավոր՝ մեծամեծ ու տիրակալ, սրա նման մի բան չի պահանջել ոչ մի մոգից, հմայողից և քաղդեայից։
(Գրաբար) Պատասխանի ետուն միւսանգամ քաղդեացիք առաջի թագաւորին՝ և ասեն. Ո՛չ գոյ մարդ’ի վերայ երկրի՝ որ զբա՛ն թագաւորի կարօղ է ցուցանել. զի ամենայն թագաւոր մեծ և իշխան, բան՝ զայդպիսի ո՛չ հարցանէ ցգէտ՝ և ցմոգ՝ և ցքաղդեայ.