Բացատրական աստվածաշունչ, Ա. Պ. Լոպուխինի (†1904)
Եթե մեկը եզ կամ ոչխար գողանա, մորթի կամ վաճառի այն, ապա մեկ եզի փոխարեն հինգ եզ թող վճարի, իսկ մեկ ոչխարի փոխարեն՝ չորս ոչխար: (Սինոդական թարգ․)[1]
Արջառի՝ որպես տնտեսության համար ավելի օգտակար և թանկարժեք կենդանու գողությունը, ի տարբերություն ոչխարի գողության, ավելի մեծ վնաս է հասցնում տնտեսությանը. մեծ վնասի համար նախատեսվում է նաև մեծ պատիժ: Կենդանին մորթած կամ վաճառած մեկը ավելի խիստ պատիժ է կրում, քան թե նա, ում մոտ այն գտնվել է: Սրա պատճառն այն է, որ գողացված կենդանու վաճառքը կամ սպանդը մի կողմից տիրոջը զրկում է գողացվածը երբևէ վերադարձնելու հնարավորությունից, մյուս կողմից էլ վկայում է գողի՝ իր կատարած հանցանքի համար մեղայականով ներկայանալու անգամ մի չնչին ցանկության բացակայության մասին:
--------------------------------
[1](Էջմիածին թարգ․) «Եթէ մէկը արջառ կամ ոչխար գողանայ, մորթի կամ վաճառի այն, ապա մէկ արջառի փոխարէն հինգ արջառ թող հատուցի, իսկ մէկ ոչխարի փոխարէն՝ չորս ոչխար:
(Արարատ թարգ․) Եթե մեկն արջառ կամ ոչխար գողանա և մորթի կամ վաճառի դրան, պետք է մեկ արջառի դիմաց հինգ արջառ և մեկ ոչխարի դիմաց չորս ոչխար հատուցի:
(Գրաբար) Իսկ եթէ գողասցի ոք արջառ կամ ոչխար, եւ սպանցէ կամ վաճառեսցէ, հինգ արջառ ընդ արջառոյն տուժեսցի. եւ չորս ոչխար ընդ ոչխարին:
Հաղորդում կայքում սխալի վերաբերյալ
Տվյալ հատվածում առկա է սխալ: