Ա. Լոպուխին
Այդ օրը Տերը նշան կտա այն ճանճերին, որոնք Եգիպտոսի գետերի վերջում են, և այն, որոնք Ասորեստանի երկրում են։ (Սինոդական թարգ․) [18]
«Ճանճեր…». եգիպտացիները Եգիպտոսի գետերից եկած «ճանճեր» են կոչվում, քանի որ Եգիպտոսում ջրերի բարձրացումից հետո ճանճերը չափազանց շատանում են: Մարգարեն ցանկանում էր ցույց տալ եգիպտական հորդաների բազմամարդությունը և եգիպտացիների համառությունը, որով նրանք պետք է ջանային տիրանալ Պաղեստինին (ասացվածք. «Ճանճի պես կպչուն»):
«Մեղուներ...». ասորեստանցիները «մեղուներ» են կոչվում, քանի որ նրանց երկրում շատ մեղուներ կային և քանի որ ասորեստանցիներն իրենց թշնամիներին խիստ ծանր վնասներ էին հասցնում, առանձնահատուկ չար էին և բարկության մեջ անզսպելի, ինչպես բարկացած մեղուներն են լինում:
--------------------------------
[18](Էջմիածին թարգ․) Այդ օրը Տէրը պիտի շարժի ճանճերին, որոնք Եգիպտոսի գետի միւս կողմն են գտնւում, եւ գոռեխներին, որոնք Ասորեստանի երկրում են:
(Արարատ թարգ․) Այդ օրը Տերը կսուլի այն ճանճերին, որոնք Եգիպտոսի գետերի վերջում են, և այն մեղուներին, որոնք Ասորեստանի երկրում են։
(Գրաբար) Եւ եղիցի յաւուր յայնմիկ շարժեսցէ Տէր զճանճիւռնն որ տիրեսցէ յայնկոյս գետոյն եգիպտացւոց, եւ զձիաստացն որ է յերկրին Ասորեստանեայց:
Հաղորդում կայքում սխալի վերաբերյալ
Տվյալ հատվածում առկա է սխալ: