Ա. Լոպուխին
8-9․«Եվ ներս եկան թագավորի բոլոր իմաստունները, բայց չկարողացան կարդալ գրությունը և թագավորին բացատրել դրա նշանակությունը»։ [8] «Բաղդասար թագավորը սաստիկ տագնապեց, և նրա դեմքի գույնը փոխվեց, ու նրա ազնվականները սահմռկեցին»։ (Սինոդական թարգ․)
Ըստ Պրիդոյի և Կրանիչֆելդի՝ քաղդեացի իմաստունները չէին կարող կարդալ այդ արձանագրությունը, քանի որ այն գրված էր հին փյունիկերեն լեզվով: Բայց նման ենթադրությունը դժվար թե հավանական լինի: Հին փյունիկյան լեզուն բաբելոնացիներին հայտնի էր Փյունիկիայի հետ նրանց մշտական առևտրային կապերի շնորհիվ: Թալմուդիստները քաղդեացիների անզորությունը բացատրում են նրանով, որ արձանագրությունը կատարվել է հատուկ առեղծվածային ձևով, օրինակ՝
1․ տառերը գրվել են ոչ թե հորիզոնական, այլ ուղղահայաց,
2․ բառերը գրվել են հակառակ կարգով,
3․ վերջապես, յուրաքանչյուր բառից միայն մեկ կամ երկու սկզբնական տառեր են գրվել։
Այդ իսկ պատճառով անհնար էր ընկալել ինչպես առանձին արտահայտությունների, այնպես էլ ամբողջ արտահայտության իմաստը:
--------------------------------
[8](Էջմիածին թարգ․) Բաբելացիների բոլոր իմաստունները մտնում էին եւ չէին կարողանում գրութիւնը կարդալ եւ ոչ էլ նրա մեկնութիւնը յայտնել թագաւորին:
(Արարատ թարգ․ 5։8) Այն ժամանակ ներս եկան թագավորի բոլոր իմաստունները, բայց չկարողացան կարդալ գրվածքը և մեկնությունն իմացնել թագավորին։
(Գրաբար) Եւ մտանէին ամենայն իմաստունք Բաբելացւոց. և ո՛չ կարէին զգիրն ընթեռնուլ, և ո՛չ զմեկնութիւն նորա ցուցանել թագաւորին։
Պատմամշակութային մեկնություն
Չկարողացան կարդալ գրվածը: Որոշ հետազոտողներ կարծում են, որ արձանագրությունը գրված էր անհասկանալի լեզվով (ինչպես, օրինակ, հին պարսկական սեպագիրը), բայց տեքստի մեջ ոչ մի նշում չկա, որ այն գրված չէ արամերենով: Արամերենում, ինչպես եբրայերենում, ձայնավորներ չկային, և բառերը երբեմն առանց բացատի էին միմյանց հաջորդում (օրինակ՝ mn'tqlprs ձևով): Ձայնավորների և բացատների բացակայությունը գրվածը մեկնաբանելու համար լայն հնարավորություններ էր ընձեռում: Հայտնի է մի օրինակ, երբ գրավոր և, հնարավոր է, գաղտնագրված հաղորդագրությունը, որը երազում տեսել է Լիդիայի թագավոր Գիգը (մ.թ.ա. VII դ.), նրա կողմից մեկնաբանվել է որպես «Աշուրբանիպալ», մինչդեռ նա լսել է նաև մի ձայն, որը նրան հորդորել է պատերազմել կիմերացիների դեմ: ...
Հաղորդում կայքում սխալի վերաբերյալ
Տվյալ հատվածում առկա է սխալ: