Մեկնություն Ավետարան ըստ Մատթեոսի 21:27

Հովհաննես Ծործորեցի

Պատասխանեցին Յիսուսին ու ասացին՝ չգիտենք: Նա էլ նրանց ասաց. «Ես էլ ձեզ չեմ ասի, թէ ինչ իշխանութեամբ եմ այս անում»:
   

    Նա ասաց նրանց. «Ես էլ ձեզ չեմ ասի, թե ինչ իշխանությամբ եմ սա անում:

    Քանի որ նրանք ստեցին, որ չգիտեն, երբ հայտնապես գիտեին, Տերը, Ով ճշմարտությունն է, նրանց նման անգիտություն չձևացրեց, այլ ասաց. «Չեմ ասի ձեզ»: Որովհետև եթե չգիտեին, պետք է սովորեին Նրանից, իսկ քանի որ գիտեցածը կամովին ուրացան, Տերն էլ չհայտնեց Իր իշխանությունը` պատասխանի անարժան համարելով նրանց, ովքեր չէին ախորժում սովորել: Թեպետև քաջ գիտեր Հովհաննեսի մկրտության մասին, ինչպես նաև Իր իշխանության, մի ուրիշ առակ պատմեց` հույժ կսկծացնելով նրանց:
   

Մաղաքիա արք. Օրմանյան

Պատասխանեցին Յիսուսին ու ասացին՝ չգիտենք: Նա էլ նրանց ասաց. «Ես էլ ձեզ չեմ ասի, թէ ինչ իշխանութեամբ եմ այս անում»:
   
Տե՛ս Մեկնություն Ավետարան ըստ Մատթեոսի  գլուխ 21:23