1. Եւ եղեն սահմանք ցեղից որդւոցն Յուդայ, ըստ տոհմից իւրեանց ի սահմանացն Իդումացւոցն, ի Սին անապատէ մինչչեւ ցԿադէս,
2. ընդ հարաւակողմն. եւ եղեն նոցա սահմանք ի հարաւոյ մինչչեւ յեզր ծովուն աղւոյ ի սարոյն որ իջուցանէ ի հարաւակողմ.
3. եւ անցանեն հանդէպ զառիվայրին Ակրաբիմայ, եւ պատի զՍինաքաւ, եւ վերանան ի հարաւոյ Բառնէ, եւ ելանեն ի Հռովն, եւ ձգին առ Ադդարաւ, եւ պատին առ արեւմտիւքն Կադեսայ:
4. եւ երթան ցԱսէմովնայ, եւ հանեն մինչչեւ ցձորն Եգիպտացւոց. եւ եղիցին նորա ելք սահմանաց ընդ ծովնակողմ: Այս են նոցա սահմանք ի հարաւոյ:
5. Եւ սահմանք յարեւելից ամենայն ծովն աղի, մինչչեւ ցեզրն Յորդանանու: Եւ սահմանք նոցա ըստ հիւսւսոյ. ի Սարոյ ծովուն եւ յեզերէ Յորդանանու.
6. հասանեն սահմանքն ի Բէթագղա, եւ շրջին առ հիւսւսով ցԲէթարաբայ, եւ վերանան սահմանքն առ Բէովն վիմաւ որդւոյն Ռոբէնի:
7. եւ ելանեն սահմանքն առ չորրորդ մասամբ ձորոյն Աքորայ. եւ ընդ հարաւակողմն, եւ իջանեն ի Գաղգաղայ, որ է հանդէպ մատուցին Ադոմիմա, ընդ հարաւակողմն ձորոյն. եւ հատանէ սահմանն ի ջուրն Արեգ աղբեր. եւ եղիցին նորա ելք, աղբերք Ռովգեղայ:
8. եւ ելանեն սահմանքն ի ձոր որդւոցն Ենովմայ ի թիկանց Յեբուսայ ի հարաւակողմանէ Երուսաղէմի: եւ հանեն սահմանքն ի գլուխ լերինն` որ է հանդէպ ձորոյն Ենոմայ ի ծովակոյս կողմանէ` որ է յեզեր երկրին Ռափայնոց ընդ հիւսւսի:
9. Եւ հատանեն սահմանքն ի գլխոյ լերինն առ աղբերբն ջրոյն Նափթովայ, եւ հատանէ լեառն Եփրովնի ի Գայի. եւ հանէ սահմանն ի Բաաղ. այն է քաղաք Յարիմայ:
10. Եւ պատի սահմանն ի Բաաղայ ընդ ծովակողմն ի լեռն Սէիր, եւ պատի զթիկամբք քաղաքին Յարիմայ ի հիւսւսոյ. այն է Քասաղովն. Եւ իջանէ յԱրեգ քաղաք, եւ անցանէ ի հարաւ:
11. եւ հատանէ ընդ հիւսւսոյ: եւ հանեն սահմանքն Սաքարովնայ, եւ անցանեն առ լերամբ երկրին Բաաղայ, եւ հատանեն Յաբնել: եւ եղիցին ելք սահմանաց նոցա ընդ ծովակողմն.
12. եւ զսահմանս նոցա ի ծովէ` ի ծովն մեծ զատանէ: Այս են սահմանք որդւոցն Յուդայ շուրջանակի, ըստ տոհմից իւրեանց:
13. Եւ Քաղեբայ որդւոյն Յեփովնեայ ետ բաժին ի մէջ որդւոցն Յուդայ հրամանաւ Աստուծոյ. եւ ետ նմա զքաղաքն Արբոկ, զմայր քաղաքացն Ենակայ, այն է Քեբրովն:
14. եւ սատակեաց զնոսա անտի Քաղէբ որդի Յեփովնեայ, զերիս որդիսն Ենակայ, զՍուսի, զԹողմայի, եւ զԱքիման, զծնունդս Ենակայ:
15. Եւ ել անտի Քաղէբ ի վերայ բնակչացն Գաբիրայ. եւ անուն Գաբիրայ` էր յառաջագոյն քաղաք Նամակաց:
16. Եւ ասէ Քաղէբ. Որ ոք առցէ զքաղաք Նամակաց, եւ տիրեսցէ նմա, տաց նմա Զասքա դուստր իմ կնութեան:
17. Եւ առ զնա Գոդոնիէլ որդի Կենեզի, եղբայր Քաղեբայ կրտսեր. եւ ետ նմա Զասքա դուստր իւր կնութեան:
18. Եւ եղեւ յերթալն նորա խորհեցաւ ընդ նմա` եւ ասէ. Խնդրեցից ի հաւրէ իմմէ ագարակ: եւ աղաղակեաց յիշոյ անտի: եւ ասէ ցնա Քաղէբ` Զի՞ է քեզ:
19. եւ ասէ ցնա. Տուր ինձ աւրհնութիւն. զի յերկիրն Նագեբ ետուր զիս, տուր ինձ զԴովղաթմայիմ. եւ ետ նմա Քաղէբ զԴովղաթն վերին` եւ զԴովղաթն ներքին:
20. Այս է ժառանգութիւն որդւոցն Յուդայ, ըստ տոհմից իւրեանց:
21. Եւ եղեւ նոցա քաղաքք: քաղաք առաջին ցեղի որդւոցն Յուդայ ի սահմանս Եդովմա յանապատին: Կապսէել, եւ Եդրացի եւ Յագուր.
22. եւ Կինա, եւ Դէմովնայ, եւ Ադադա.
23. եւ Կէդէս, եւ Իթնանզիփ.
24. եւ Տէղէմ, եւ Բաղովթ.
25. եւ քաղաքն Ասերովն, այն է Ասովր:
26. Ամամ, եւ Սամաայ, եւ Մովդադա.
27. եւ Ասէրգադդա, եւ Բեթփաղէթ.
28. եւ Ասարսուղա, եւ Բերսաբէէ. եւ աւանք նոցա, եւ ագարակք նոցա:
29. Բաաղա, եւ Աւիմ, եւ Ասեմ:
30. եւ Եղթովղադ, եւ Քսիղ, եւ Երմա,
31. եւ Սիկեղէդ, եւ Մեդեբենա, եւ Սանսաննա.
32. եւ Ղաբովթ, եւ Սէղիմ, եւ Ռեմովն. քաղաքք քսանեւինն` եւ աւանք նոցա:
33. Ի դաշտավայրս, Եսթաւող, եւ Ասբաա, եւ Ասնա:
34. Եւ Ռամեն, եւ Զանով, եւ Ադիաթեմ, եւ Ենայիմ,
35. եւ Յերիմութ, եւ Ողողղամ, եւ Նայերմայ, եւ Սոքով, եւ Ազեկա:
36. Եւ Սարգարիմ, եւ Գեդերայ. եւ ագարակք նորա. քաղաքք չորեքտասանք եւ աւանք նոցա:
37. Սեննան, եւ Ադասա, եւ Մագդաղգադ,
38. եւ Գաղաան, եւ Մասփա, եւ Յեկթրայէլ:
39. եւ Ղաքիս, եւ Բազկաթ, եւ Ագղովն,
40. եւ Գաբբայ, եւ Զամաս, եւ Քաթղովա,
41. եւ Գադերովթ, եւ Բեթղագոն, եւ Նովմա, եւ Մակեդա. քաղաք վեշտասան եւ աւանք նոցա:
42. Ղեբնեա, եւ Աթեր,
43. եւ Յեփթա, եւ Ասենայ, եւ Նեսիբ,
44. եւ Կէիղա, եւ Աքիզեբ, եւ Մարեսա, եւ Եղղովմ. քաղաքք ինն, եւ աւանք նոցա:
45. Ակկարովն, եւ աւան նորա, եւ ագարակք նորա:
46. եւ յԱկարովնէ յԵմնէ, եւ ամենայն արուարձանք Ասգովդա. եւ աւանք նոցա եւ ագարագք նոցա: Մինչչեւ ցհեղեղատն Եգիպտոսի. եւ ծովն մեծ զատուցանէ:
48. Եւ ի լեռնավայրսն` Սափիր, եւ Յեթեր, եւ Սովքով:
49. Եւ Դեմնա. քաղաք Նամակաց. այն է Գաբիր:
50. եւ Անովբ, եւ Եսթեմովն, եւ Անիմ.
51. եւ Դոսոմ, եւ Քեղուովն, եւ Գեղուովն. քաղաքք մետասանք, եւ աւանք նոցա:
52. Երեբ, եւ Ասան. եւ Բումա.
53. եւ Յանում, եւ Բեդթապ Փուէ, եւ Ափակա.
54. եւ Քամմատեա. եւ քաղաքն Արբոկ. այն է Քեբրովն, եւ Սիովր. քաղաք ինն, եւ աւանք նոցա:
55. Մայովն եւ Քերմէղ, եւ Զիփ, եւ Յետտա.
56. եւ Յեզրայէլ, եւ Յեկդաամ, եւ Զանովաեկիմ,
57. եւ Գաբաա, եւ Թամնա. քաղաքք ինն, եւ աւանք նոցա:
58. Աղուղ, եւ Բեթսուր, եւ Գեդրով,
59. եւ Մարովթ, եւ Բեթանովթ, եւ Եղթեկեն. քաղաքք վեց, եւ աւանք նոցա: Թեկով, եւ Եփրաթա. այն է Բեդղէէմ, եւ Փագովր, եւ Ետամ, եւ Կուղովն, եւ Տատամի, եւ Սովրէս, եւ Կարեմ, եւ Բաղղիմ, եւ Բեթեր, եւ Մանողքով: Քաղաքք մետասանք, եւ աւանք նոցա:
60. Կարիաթբաաղ. նա է քաղաք Յարիմայ, եւ Արեբբա. քաղաքք երկու, եւ աւանք նոցա, եւ ագարակք իւրեանց:
61. Բեդդաղիս, եւ Բէթարաբա, եւ Մադովն, եւ Սոքոքայ:
62. եւ Նեբսան. եւ քաղաքք աղտից, եւ Ենգադի. քաղաքք եւթն, եւ աւանք նոցա:
63. Եւ Յեբուսացին բնակէր յԵրուսաղէմ, եւ ոչ կարացին որդիքն Յուդայ մարտնչել ընդ նոսա. եւ բնակեցան Յեբուսացիքն ընդ որդիսն նոցա յԵրուսաղէմ մինչչեւ ցայսաւր:
Հաղորդում կայքում սխալի վերաբերյալ
Տվյալ հատվածում առկա է սխալ: