Սուրբ Հովհան Ոսկեբերան
Եւ անմիջապէս Հոգին նրան հանեց տարաւ դէպի անապատ:
Տեսե՛ք, թե վերցնելով Հոգին՝ ուր բերեց նրան. ոչ թե քաղաք կամ հրապարակ, այլ անապատ: Քանի որ Նա ցանկանում էր հրապուրել սատանային, ուստի հնարավորություն տվեց ոչ միայն քաղցի, այլ նաև գտնվելու վայրի միջոցով մոտենալ Իրեն: Քանի որ Սատանան ամենից հաճախ հարձակվում է հենց այն ժամանակ, երբ մարդկանց մենության և մեկուսացման մեջ է տեսնում: Նույն կերպ էլ սկզբում նա հարձակվեց կնոջ վրա, երբ նրան մենակ՝ իր ամուսնուց առանձնացած գտավ (Ծննդ․ 3:1–6):
Մաղաքիա արք. Օրմանյան
12-13․ Եւ անմիջապես Հոգին նրան հանեց տարաւ դեպի անապատ: Եւ սա այնտեղ էր քառասուն օր՝ փորձուելով սատանայից: Եւ նա գազանների հետ էր, իսկ հրեշտակները ծառայում էին նրան:
Տե՛ս Մեկնություն Ավետարան ըստ Մատթեոսի գլուխ 4:1
Ա. Լոպուխին
Եւ անմիջապէս Հոգին նրան հանեց տարաւ դէպի անապատ: (Սինոդական թարգ․)[12]
Մարկոս ավետարանիչն ասում է, որ Սուրբ Հոգին ուժով է (ἐκβάλλει) Քրիստոսին անապատ տանում: Քրիստոսը կարծես անապատ գնալու և Սատանայի հետ մարտի մեջ մտնելու անդիմադրելի ցանկություն է զգում:
--------------------------------
[12](Էջմիածին թարգ․) Եւ անմիջապէս Հոգին նրան հանեց տարաւ դէպի անապատ:
(Արարատ թարգ․) Եվ իսկույն Հոգին նրան անապատ տարավ։
(Գրաբար) Նոյնժամայն ՝ հոգին հանէ՛ զնա յանապատ:
Հաղորդում կայքում սխալի վերաբերյալ
Տվյալ հատվածում առկա է սխալ: