Բացատրական աստվածաշունչ, Ա. Պ. Լոպուխինի (†1904)
Նա նրանց ասաց. «Նայելով ձեր հոր դեմքին՝ զգում եմ, որ նա ինձ հետ այնպես բարյացակամ չէ, ինչպես առաջ։ Սակայն իմ հոր Աստվածը ինձ հետ է։ [5] (Սինոդական թարգ․)
Իրենց հորը թողնելու և Քանան գնալու վճռականությամբ կանանց նախապատրաստելու ժամանակ Հակոբը շեշտում է. ա) իր նկատմամբ Լաբանի վերաբերմունքի փոխվելը, բ) աշխատանքի մեջ իր բարեխղճությունը և ջանասիրությունը, գ) Աստծո զորակցությունը, որն արդեն դրսևորվել էր Հակոբի հոտի բազմապատկման, և այժմ էլ դրսևորվում է նրան Քանան վերադառնալ ուղղորդելու մեջ։
Հակոբը երկնքի և երկրի Արարչին և ամեն ինչի Աստծուն իր հոր Աստված է կոչում` միգուցե դրանով անդրադառնալով Լաբանի տանը եղած (Ծննդ. 31:19) կուռք–աստվածների մասին իր կանանց պատկերացումներին, կամ էլ այդպիսով ցույց տալով, որ Տիեզերքի Աստվածն իր համար իր հայրերին խոստումներ տված Աստվածն է (հմմտ. Rosemüller, р. 481):
--------------------------------
[5](Էջմիածին թարգ․) Նա նրանց ասաց. «Նայելով ձեր հօր դէմքին՝ զգում եմ, որ նա ինձ հետ այնպէս բարեացակամ չէ, ինչպէս առաջներում էր: Սակայն իմ հօր Աստուածը ինձ հետ է:
(Արարատ թարգ․) Եվ ասաց նրանց. «Ես ձեր հոր դեմքից տեսնում եմ, որ նա իմ հանդեպ առաջվա պես չէ, բայց իմ հոր Աստվածն ինձ հետ է:
(Գրաբար) Եւ ասէ ցնոսա. Տեսանեմ ես զերեսս հաւր ձերոյ, զի ոչ են ընդ իս որպէս յերեկն եւ յեռանդ: Եւ Աստուած հաւր իմոյ էր ընդ իս:
Հաղորդում կայքում սխալի վերաբերյալ
Տվյալ հատվածում առկա է սխալ: