Բացատրական աստվածաշունչ, Ա. Պ. Լոպուխինի (†1904)
8-9․ «Այն օրը Տերը պիտի պաշտպանի Երուսաղեմի բնակիչներին, և նրանց մեջ ամենատկարը այդ օրը պիտի լինի ինչպես Դավիթ, իսկ Դավթի տունը պիտի լինի ինչպես Աստված՝ ինչպես Տիրոջ հրեշտակը նրանց առաջ»։ (Սինոդական թարգ․) [8] «Եվ կլինի այն օրը, որ Ես պիտի ոչնչացնեմ բոլոր ազգերին, որոնք կհարձակվեն Երուսաղեմի վրա» :
Աստվածային զորության աջակցությամբ անգամ հրեաներից ամենաթույլերն ուժեղ կլինեն, ինչպես փառահեղ հերոս ու հաղթող Դավիթը, իսկ Դավթի տունը կդրսևորի գերբնական քաջություն և գերմարդկային ուժ։ Այն ժամանակ Երուսաղեմի դեմ ելած բոլոր ազգերը ոչնչացման կդատապարտվեն:
--------------------------------
[8](Էջմիածին թարգ․) Այն օրը Ամենակալ Տէրը պիտի պաշտպանի Երուսաղէմի բնակիչներին, եւ ամենատկարը նրանց մէջ պիտի լինի Դաւթի պէս, իսկ Դաւթի տունը՝ Աստծու տան նման, Տիրոջ հրեշտակի պէս՝ նրանց առաջ»:
(Արարատ թարգ․) Այդ օրը Տերը պիտի պաշտպանի Երուսաղեմում բնակվողին, նրանց միջի տկարն այն օրը Դավթի պես կլինի, և Դավթի տունը՝ Աստծու պես, ինչպես Տիրոջ հրեշտակը նրանց առաջ։
(Գրաբար) Եւ եղիցի յաւուր յայնմիկ պաշտպանեսցէ Տէր ամենայն բնակչաց Երուսաղէմի։ եւ եղիցի որ տկարն իցէ յաւուր յայնմիկ՝ իբրեւ զԴաւիթ. եւ տունն Դաւթի՝ իբրեւ զտունն Աստուծոյ, իբրեւ զհրեշտակ Տեառն առաջի նոցա։
Հաղորդում կայքում սխալի վերաբերյալ
Տվյալ հատվածում առկա է սխալ: