Հովհաննես Ծործորեցի
Եւ նրանց հետ առակներով շատ բաներ էր խօսում եւ ասում.
Նրանց հետ խոսում էր բազմաթիվ առակներով և ասում էր:
Երբ լեռան վրա էր ուսուցանում, առակներով չէր [խոսում], որովհետև այնտեղ միայն տխմարներ ու ռամիկներ էին, իսկ այստեղ [ժողովրդի հետ] խառն եկել էին [նաև] օրենսգետներ ու փարիսեցիներ: [Առակներով էր խոսում] նաև, որպեսզի ցույց տար, որ իրականացել են մարգարեների գրածները, մանավանդ Դավթինը, ով ասում էր. «Առակով կբացեմ իմ բերանը» (Սաղմ. 77։2):
Իսկ այլաբանորեն՝ երբ երկնքում էր, հոգևոր բաների մասին հոգևորապես էր խոսում, իսկ երկիր իջնելուց և աշխարհի ծովի մեջ մտնելուց հետո մարմնատիպ խոսքի օրինակով էր մարմնավորներիս ուսուցանում:
Ստեփանոս Սյունեցի
Եւ նրանց հետ առակներով շատ բաներ էր խօսում եւ ասում.
Եվ նրանց հետ առակներով էր խոսում»:
Նրանց հետ, ովքեր կանգնած էին ծովեզերքին, առակներով էր խոսում, որովհետև դեռևս անկարող էին հայտնապես լսել Քրիստոսի խոսքը, իսկ աշակերտներին ասաց իբրև կարողների:
Մաղաքիա արք. Օրմանյան
Եւ նրանց հետ առակներով շատ բաներ էր խօսում եւ ասում.
Տե՛ս Մեկնություն Ավետարան ըստ Մատթեոսի գլուխ 13:1
Հաղորդում կայքում սխալի վերաբերյալ
Տվյալ հատվածում առկա է սխալ: