Սրբ. Հովհան Ոսկեբերան (†407)
«Նրան ասաց. «Ընկե՛ր, առանց հարսանքավորի զգեստ ունենալու ինչպե՞ս այստեղ մտար»։ Նա պապանձվեց»։
Տե՛ս Մեկնություն Ավետարան ըստ Մատթեոսի գլուխ 22:1
Հովհաննես Ծործորեցի (†1338)
«Ընկե՛ր, որ հարսանիքի զգեստ չունէիր, ինչպէ՞ս այստեղ մտար»: Եւ նա պապանձուեց:
Եվ ասաց նրան. «Ընկե՛ր, ինչպե՞ս մտար այստեղ, որ հարսանիքի զգեստ չունեիր», և նա պապանձվեց:
Այսինքն` Իմ կրոնին ու օրենքին հակառակ ինչպե՞ս համարձակվեցիր մտնել: Չարությունն ու ամբարշտությունը վրայիցդ չես հանել, այլ տակավին հագիդ ունես, այսինքն` մտար նենգությամբ, խորամանկությամբ ու անաստվածությամբ` հագած չլինելով որևէ մեկը պատվիրաններից, որոնք էլ բազմատեսակ [թելերով] հյուսում են առաքինությունը: Եթե անլվա ոտքերով ու առանց լողանալու չէին մտնում մեհյանների բակը, որքա՛ն ավելի [անվայել է անմաքուր ներկայանալ] տերունական ընթրիքին: Թող լսեն սա նրանք, ովքեր խորհրդական Սեղանին 1 մոտենում են աղտեղի հագուստով, որովհետև [արժանավորներին կենդանություն տվող] նույն [Խորհուրդը] ահավոր է անարժանների համար, ուստի պետք է ակնածել Մարդասերից, Ով կանչեց, այն էլ` «ճանապարհների անցումներից», հոգու պատմուճանը լվանալ խոստովանությամբ ու ապաշխարությամբ, անձը զարդարել առաքինությամբ և ապա՛ մոտենալ Սեղանին, ուր պայծառազգեստ հրեշտակներն են բազմած, ինչպես որ Փրկչի խաչի և գերեզմանի մոտ հայտնապես տեսնվեցին, որովհետև [սբ Սեղանը] ճշմարտապես խաչի և գերեզմանի խորհուրդն ունի:
«Եվ նա պապանձվեց»,-ասում է Տերը:
Ինչպես Զաքարիան, չհավատալով հրեշտակի խոսքին, համրացավ ու պապանձվեց (Ղուկ. 1։20), այդպես էլ այս մարդը, Փրկչի պատվիրաններին չհավատալով և երկնային Հացին անմաքուր վարքով սպասավորելով, պապանձվում է, քանի որ պատասխան չունի: [Զաքարիայի պապանձումը] հրաշքի համար էր, իսկ սրանը` պատժի, որովհետև չկա մի ուրիշ բան, որ այնպես կարկեցնի բերանն ու կապի ձեռք ու ոտք, ինչպես մեղքերի շղթան` ըստ այսմ. «Իրենց ձեռքի գործերով կկապվեն մեղավորները» (Սաղմ. 9։17), ինչպես ցույց է տալիս [Տերը ]:
Մաղաքիա արք. Օրմանյան (†1918)
«Ընկե՛ր, որ հարսանիքի զգեստ չունէիր, ինչպէ՞ս այստեղ մտար»: Եւ նա պապանձուեց:
Տե՛ս Մեկնություն Ավետարան ըստ Մատթեոսի գլուխ 22:1
Հաղորդում կայքում սխալի վերաբերյալ
Տվյալ հատվածում առկա է սխալ: