Ա. Լոպուխին
10-12․ Քանի որ Տիրոջ ձեռքը հանգչելու է այս լեռան վրա, և Մովաբը ոտքի կոխան է դառնալու իր տեղում, ինչպես որ հարդն է տրորվում գոմաղբի մեջ։ [10] Եվ թեպետ նա դրա մեջ տարածելու է իր ձեռքերը, ինչպես որ լողորդն է տարածում իր ձեռքերը լողալու համար, սակայն Աստված խոնարհեցնելու է նրա հպարտությունը նրա ձեռքերի հնարքների հետ։ Եվ կփլուզի քո բարձր պարիսպների ամրությունը, կկործանի և, գետնին տապալելով, փոշու կվերածի։ (Սինոդական թարգ․)
Իր ընտրյալներին մեծարելով՝ Տերը միաժամանակ վերջնականապես կկործանի Իր Եկեղեցու բոլոր թշնամիներին, որոնք այստեղ կերպարանավորվում են Իսրայելի թշնամիների՝ մովաբացիների մեջ։ Մովաբացիները ոտնակոխ են լինելու, ինչպես որ անասունն է տրորում գոմաղբին խառնված հարդը, և Մովաբն այլևս չի կարողանալու լողալով դուրս գալ կեղտի միջից, որի մեջ էլ որ նա նա խեղդվելու է։
--------------------------------
[10](Էջմիածին թարգ․) Աստուած մեզ հանգիստ է պարգեւելու այս լեռներում, իսկ մովաբացին ոտքի կոխան պիտի լինի, ինչպէս որ օրանն է ճզմւում կամնասայլի տակ:
(Արարատ թարգ․) որովհետև Տիրոջ ձեռքը հանգչելու է այս լեռան վրա»։ Մովաբը կոխոտվելու է նրա տակ, ինչպես որ հարդը կոխ է տրվում աղբանոցում։
(Գրաբար) Եւ տացէ մեզ հանգիստ Աստուած ի լերինս յայսմիկ: եւ լիցի կոխան մովաբացին, զոր աւրինակ կոխիցէ ոք զկալ կամնասայլիւք.
Հաղորդում կայքում սխալի վերաբերյալ
Տվյալ հատվածում առկա է սխալ: