Ա. Լոպուխին
12−14. «Ուստի ասա՛ նրանց այս խոսքը. «Այսպես է ասում Տերը՝ Իսրայելի Աստվածը. «Ամեն տիկ պիտի լցվի գինիով»: Նրանք քեզ ասելու են. «Մի՞թե մենք չգիտեինք, որ ամեն տիկ պետք է լցվի գինիով»»։ [12] «Իսկ դու ասա՛ նրանց. «Այսպես է ասում Տերը. «Ահա, Ես արբեցության աստիճանի գինով պիտի լցնեմ այս երկրի բոլոր բնակիչներին և Դավթի գահի վրա նստող թագավորներին, և քահանաներին ու մարգարեներին և Երուսաղեմի բոլոր բնակիչներին»»։ «Եվ մեկին մյուսով պիտի ջախջախեմ, և հայրերին ու որդիներին մեկտեղ, - ասում է Տերը, - չպիտի գթամ և չպիտի խնայեմ ու չպիտի ողորմեմ, և չպիտի զղջամ նրանց ոչնչացնելու համար»»։ (Սինոդակ. թարգմ.)
Խորհրդանշական գործողությանը միացվում է պատկերավոր արտահայտված մի միտք: Յուրաքանչյուր անոթ լցվում է այն բանով, ինչի համար նախատեսված է: Սակայն իրենց ուղղվածության համար Երուսաղեմի բնակիչներն այլ բանի համար չեն կարող սահմանվել, քան իրենց վրա Աստծո բարկությունն ընդունելու։ Դրա հետևանքով նրանք կկորցնեն մտորելու ունակությունը և անձամբ մահվանն ընդառաջ կգնան, որը պատկերավոր իմաստով արտահայտվում է «անոթի կոտրմամբ»:
«Գինու տիկ»−ը (եբրայերեն՝ «նէվել−нэвел») կարող է հեղուկի, հատկապես գինու համար նախատեսված անոթի իմաստ ունենալ:
--------------------------------------
[12] (Էջմիածին թարգմ.) . «Այդ ժողովրդին կը յայտնես նաեւ հետեւեալ պատգամը. այսպէս է ասում Իսրայէլի Տէր Աստուածը. «Ամէն մի տիկ գինով պէտք է լցուի: Եւ եթէ այնպէս լինի, որ քեզ ասեն, թէ՝ «Միթէ մենք չե՞նք հասկանում ու չգիտե՞նք, որ ամէն մի տիկ գինով պիտի լցուի»,
(Արարատ թարգմ.) Այս խո՛սքն ասա նրանց. Այսպես է ասում Տերը՝ Իսրայելի Աստվածը. "Ամեն տիկ պիտի լցվի գինիով", և նրանք քեզ ասելու են. Մի՞թե մենք չգիտեինք, որ ամեն տիկ գինիով պետք է լցվի։
(Գրաբար) Եւ ասասցես ժողովրդեանդ զպատգամսդ զայդ. Այսպէս ասէ Տէր Աստուած Իսրայէլի. ամենայն տիկ գինւով լցցի։ եւ եղիցի եթէ ասիցեն ցքեզ. միթէ չգիտիցե՞մք գիտելով. եթէ ամենայն տիկ գինւով լցցի։
Հաղորդում կայքում սխալի վերաբերյալ
Տվյալ հատվածում առկա է սխալ: