Ա․ Լոպուխին
23-24․ Եվ նրան կսերմանեմ երկրի վրա Ինձ համար և կողորմեմ չողորմածին, և կասեմ նրան, որ Իմ ժողովուրդը չէ, [23] «Դու Իմ ժողովուրդն ես», իսկ նա կասի․ «Դու իմ Աստվածն ես»։ (Սինոդական թարգ․)
Իսրայելի օրհնության արժանացած ժամանակ մարգարեի զավակների չարագուշակ անունները՝ Հեզրայել (Աստված սերմանում է), Լո−Ռուխամա (Չողորմած) և Լո−Ամմի (Ոչ իմ ժողովուրդ), փոխարինվելու են բարի ավետիս տվող անուններով։ Մարգարեի մտքերի ընթացքը և նրա կողմից ընտրված արտահայտությունները ցույց են տալիս, որ իր մխիթարական խոստման մեջ նա նկատի ունի ոչ միայն մոտ ապագան՝ գերությունից ազատագրումը, այլ նաև հեռավորը, որը սկսվելու է Մեսսիայի գալուստով։ 2−րդ գլխի ավարտը 1։10-ի և 2։1-ի Մեսսիական խոստման բացահայտումն է, իսկ 2:23−ը Նոր Կտակարանում (Ա Պետ․ 2։10, Հռոմ․ 9։25) մեկնաբանվում է որպես հեթանոսներին Քրիստոսով Աստծուն որդեգրվելու կոչի կանխատեսում։
--------------------------------
[23](Էջմիածին թարգ․) Ես նրան կը սերմանեմ երկրի վրայ ինձ համար, կը գթամ Չողորմածին, կ՚ասեմ ինձ օտար ժողովրդին՝
(Արարատ թարգ․)Եվ նրան երկրի վրա պիտի սերմանեմ ինձ համար և պիտի ողորմեմ ողորմություն չգտածին և կասեմ նրան, որ իմ ժողովուրդը չէ. «Դու իմ ժողովուրդն ես», և նա կասի. «Դու իմ Տեր Աստվածն ես»։
(Գրաբար) և սերմանեցից զնա ինձ ի վերայ երկրի։ Եւ ողորմեցայց չողորմելոյն.
Հաղորդում կայքում սխալի վերաբերյալ
Տվյալ հատվածում առկա է սխալ: