Սրբ. Հովհան Ոսկեբերան (†407)
«Եվ բազում սուտ մարգարեներ են ելնելու և շատերին մոլորեցնելու»։
Տե՛ս Մեկնություն Ավետարան ըստ Մատթեոսի գլուխ 24:1
Հովհաննես Ծործորեցի (†1338)
Եւ բազում սուտ մարգարէներ պիտի ելնեն ու շատերին պիտի մոլորեցնեն:
Եվ շատ սուտ մարգարեներ կելնեն ու շատերին կմոլորեցնեն:
Տե՛ս եռակի պատերազմը, որ լինելու է մոլորեցուցիչ մարգարեներից, պատերազմողներից ու սուտ եղբայրներից, ինչպես Պողոսն էր գրում. «Վշտեր` սուտ եղբայրներից» (Բ Կոր. 11:26), ովքեր հերձվածողներն են, որովհետև քրիստոնյայի անունն ունեն, բայց սատանայի ուսմունքը, ինչպես արիոսականները, նեստորականները, ապողինարականները, նովատիանոսականները 1 և այլ շատեր: Որովհետև ինչպես Հին [ուխտի շրջանում] էին ճշմարիտ մարգարեների դեմ սուտ մարգարեներ ելնում` Սեդեկիան (Գ Թագ. 22:11-25) և այլ շատեր, այդպես էլ Նորում` առաքյալների և հայրապետերի օրոք, սուտ [մարգարեներ] ի հայտ եկան, ինչպես նշում են Պողոսը, Հովհաննեսն ու Պետրոսը իրենց նամակներում (Բ Պետ. 2:1, Ա Հովհ. 4:1, Ա Տիմ. 4:1-2, Ա Կոր. 11:13): Ինչո՞ւ. նախ` որպեսզի ճշմարտությունը ստերի մեջ ավելի պայծառ երևա, ինչպես ոսկին` մուգ կապույտի կողքին, և երկրորդ` ընտրյալների համար, ինչպես ասացինք, որպեսզի երևան:
--------------------------------
1. Այսինքն` Արիոսի, Նեստորի, Ապողինարի և Նովատիանոսի ուսմունքների հետևորդները: Առաջին երկուսի մասին տես 10 գլխի ծնթ. 50 և 51: Ապողինար Լաոդիկեացին (4 դար) սովորեցնում էր, թե Տեր Հիսուսի մեջ բացակայում է մարդկային բանական հոգին, և Խոսքն Աստված միացել է մարդկային մարմնին միայն: Իսկ Նովատիանոսը 3 դարում ապրած հոգևորական է, ով դեմ էր որոշ ծանր մեղքեր գործած անձնավորություններին ապաշխարությունից հետո դարձյալ Եկեղեցու հաղորդակցության մեջ ընդունելուն և պայքարում էր սրա դեմ` առանձին մի կուսակցության (Կարթագենյան հերձված, նովատիանականություն) գլուխ դառնալով: 251թ. Հռոմում գումարված եկեղեցական ժողովում Նովատիանոսն ու նրա հետևորդները նզովվել ու Եկեղեցու հաղորդությունից հեռացվել են:
Մաղաքիա արք. Օրմանյան (†1918)
Եւ բազում սուտ մարգարէներ պիտի ելնեն ու շատերին պիտի մոլորեցնեն:
Տե՛ս Մեկնություն Ավետարան ըստ Մատթեոսի գլուխ 24:9
Հաղորդում կայքում սխալի վերաբերյալ
Տվյալ հատվածում առկա է սխալ: