Սուրբ Եփրեմ Ասորի
Թագաւորն ասաց. «Բայց ես տեսնում եմ կապերից արձակուած չորս մարդ, որոնք քայլում են կրակի մէջ, որեւէ վնաս չեն կրել, իսկ չորրորդի տեսքը Աստծու որդու նման է»:
Արքայի հրամանը արագ կատարվեց. երիտասարդները, հագուստները հագներին, կապվեցին և նետվեցին հնոցը: Սակայն կրակը հեռացավ նրանցից՝ նրանց մոտ իջած Չորրորդ էակի հրամանով, Ով արձակեց նրանց կապված ազդրերը և երիտասարդներին բարձրացրեց ոչ թե, որ նրանք շտապեն կրակից դուրս գալ՝ կարծես վախենալով դրա կործանարար ազդեցություններից, այլ որ նրանք հույսով լի մարդկանց նման մնան կրակի մեջ: «Չորրորդի տեսքը Աստծու որդու նման է»։ Չորրորդին թագավորն ավելի ուշ տեսավ, սակայն երիտասարդները Նրան տեսան, հենց որ նետվեցին կրակի մեջ: Նա ընդունեց երիտասարդներին, երբ նրանք նետվեցին, և ուղեկցեց նրանց, երբ նրանք դուրս եկան: Երիտասարդները Նրան այնտեղ գտան և այնտեղ էլ թողեցին: Նա նրանցից առաջ եկավ, որպեսզի փոխի կրակի այրող բնությունը, նրանցից հետո Նա մնաց, որպեսզի կրակին վերադարձնի նրա իսկ բնությունը, իսկ հետո արդեն անտեսանելի դարձավ: Հնոցից դուրս եկած կրակն այրում է երիտասարդներին մեղադրողներին. այն այրում է ամբարիշտներին, բայց չի վնասում նրանց մոտ հավաքված ժողովրդին: Հնոցի ներսում այն չի վնասում երեքին, իսկ դրսում՝ հազարավորներին և տասնյակ հազարավորներին, սակայն ոչնչացնում է զրպարտողներին:
Սուրբ Հովհան Ոսկեբերան
Թագավորն ասաց. «Բայց ես տեսնում եմ կապերից արձակված չորս մարդ, որոնք քայլում են կրակի մեջ, որևէ վնաս չեն կրել, իսկ չորրորդի տեսքը Աստծու որդու նման է»:
Թագավորը նրանց տեսավ անցքի միջով: Նա (ենթադրաբար՝ հրեշտակը), հավանաբար, հայտնվեց մեծ գեղեցկությամբ: Ինչո՞ւ դու, Նաբուգոդոնոսո՛ր, ճանաչեցիր Աստծո Որդուն: Տե՛ս, թե ինչպես է բարբարոսը մեկ առ մեկ մարգարեանում։
Ա. Լոպուխին
«Դա լսելով՝ նա էլ ասաց. «Ահա, ես տեսնում եմ չորս չկապված մարդկանց, որոնք քայլում են կրակի միջով, ու նրանց վնաս չի լինում, և չորրորդի կերպարանքն էլ Աստծո որդու է նման»»։ (Սինոդական թարգ․) [92]
Տե՛ս Դանիելի մարգարեության մեկնություն գլուխ 4(3):91
-------------------------------
[92](Էջմիածին թարգ․) Թագաւորն ասաց. «Բայց ես տեսնում եմ կապերից արձակուած չորս մարդ, որոնք քայլում են կրակի մէջ, որեւէ վնաս չեն կրել, իսկ չորրորդի տեսքը Աստծու որդու նման է»:
(Արարատ թարգ․3։25) Նա էլ ասաց. «Ահա ես չորս արձակ մարդու եմ տեսնում, որ շրջում են կրակի մեջ, և նրանց վնաս չի լինում. չորրորդի կերպարանքն էլ աստվածների որդու է նման»։
(Գրաբար) Եւ ասէ թագաւորն. Այլ ես տեսանեմ արս չո՛րս արձակս, և գնան’ի մէջ հրոյն. և ապականութիւն ինչ՝ ո՛չ գոյ’ի նոսա. և տեսիլ չորրորդին նմա՛ն է որդւոյ Աստուծոյ։
Հաղորդում կայքում սխալի վերաբերյալ
Տվյալ հատվածում առկա է սխալ: