Բացատրական աստվածաշունչ, Ա. Պ. Լոպուխինի (†1904)
10-11․ «Ամբողջ այդ երկիրը հարթավայրի պես պիտի դառնա՝ Գաբայից մինչև Երուսաղեմից հարավ գտնվող Ռեմոն, իսկ Երուսաղեմը բարձր պիտի կանգնի իր տեղում և պիտի բնակեցվի Բենիամինի դարպասից մինչև Առաջին դարպասի տեղը՝ մինչև Անկյունային դարպասը, և Անամայելի աշտարակից մինչև արքունի հնձանները»։ [10] «Եվ պիտի բնակվեն այնտեղ, և այլևս անեծք չի լինի, այլ Երուսաղեմը ապահով կանգնած պիտի լինի»։ (Սինոդական թարգ․)
Երուսաղեմը, որպես Աստծու բնակության վայր, առանձնահատուկ նշանակություն է ստանալու ու դառնալու է կենտրոնական բարձրադիր կետը ողջ երկրի համար, որը կվերածվի հարթավայրի: Սուրբ քաղաքը, պահպանելով իր տեղն ու որոշակի սահմանները, կբարձրանա իր ողջ շրջակայքից վեր. այնժամ կգա լիակատար ապահով ժամանակը, և այլևս կործանում չի լինելու:
--------------------------------
[10](Էջմիածին թարգ․) Ամբողջ երկիրը անապատից պիտի վերածուի դաշտի՝ Գաբայից մինչեւ Ռեմոն՝ Երուսաղէմի հարաւային կողմը, Հռամը պիտի մնայ իր տեղը՝ Բենիամինի դռնից մինչեւ Առաջին դուռը, մինչեւ Անկիւնների դուռը, Անամայէլի աշտարակից մինչեւ Թագաւորի հնձանները:
(Արարատ թարգ․) Ամբողջ երկիրը դաշտավայրի պես պիտի դառնա Գաբաայից մինչև Ռիմոն, Երուսաղեմի հարավային կողմը. և Երուսաղեմը պիտի բարձրանա ու իր տեղում մնա՝ Բենիամինի դարպասից մինչև Առաջին դարպասի տեղը, մինչև Անկյան դարպասը, և Անանայելի աշտարակից մինչև թագավորի հնձանները։
(Գրաբար) պատել զամենայն երկիր զանապատն՝ ի Գաբայ մինչեւ ցՌեմոն՝ ընդ կողմն հարաւոյ Երուսաղէմի. եւ Հռամ ի տեղւոջ իւրում կացցէ. ի դրանէն Բենիամինի մինչեւ ի տեղի դրանն առաջնոյ, մինչեւ ի դուռն անկեանցն, մինչեւ ցաշտարակն Անամայելի, մինչեւ ի հնծանս թագաւորին։
Հաղորդում կայքում սխալի վերաբերյալ
Տվյալ հատվածում առկա է սխալ: