Ա․ Լոպուխին
15-16․ Եվ վրանի համար մույթեր կպատրաստես սատիմի փայտից, որ կանգուն լինի։ [15] Մեկ մույթի երկարությունը տասը կանգուն պետք է լինի, իսկ լայնությունը՝ մեկուկես կանգուն։ (Սինոդական թարգ․)
Վրանի փայտե կմախքը բաղկացած էր արաբական ակացիայից պատրաստված մույթերից։ Խոսելով մույթերի երկարության (10 կանգուն) և լայնության (1½ կանգուն) մասին՝ բնագիրը չի նշում դրանց հաստությունը։ Սա կարող էր պարզ դառնալ մյուս, արդեն իսկ հայտնի չափերից։ Ինչպես երևում է 22-23-րդ համարներից՝ խորանի հարավային կողմում կային ութ մույթեր, որոնցից յուրաքանչյուրը 1 ½ կանգուն լայնության դեպքում համապատասխանում է 12 կանգունի։ Սակայն այդ 12 կանգուն լայնությունը խորանի ներքին լայնությունը չէ։ Փիլոնի, Հովսեփիոս Փլավիոսի և ողջ հրեական ավանդության միաձայն վկայությամբ՝ վրանն ուներ ներքին 10 կանգուն լայնություն։ Տասներկու կանգունը, հետևաբար, խորանի արտաքին լայնությունն է։ Ներսում տասը կանգուն կարող էր ստացվել միայն այն դեպքում, եթե երկայնքով ձգվող պատերը հենվեին շինության անկյունների վրա կամ էլ հանդիպակաց կողմում զբաղեցնեին դրա 12 կանգուն չափը՝ ամեն կողմից համապատասխանաբար մեկ կանգուն չափով։ Վերջին տարբերակը հնարավոր կլիներ միայն այն դեպքում, երբ դրանք կազմող մույթերն ունենային մեկ կանգուն լայնություն։
--------------------------------
[15](Էջմիածին թարգ․) Վրանի ուղղահայեաց մոյթերը կը պատրաստես կարծր փայտից:
(Արարատ թարգ․) Եվ վրանի համար սատիմի փայտից ուղղահայաց տախտակներ կտեղադրես:
(Գրաբար) Եւ արասցես զսիւնակս խորանին յանփուտ փայտից
Հաղորդում կայքում սխալի վերաբերյալ
Տվյալ հատվածում առկա է սխալ: