Հովհաննես Ծործորեցի (†1338)
7-9. Կեղծաւորնե՛ր, Եսային լաւ է մարգարէացել ձեր վրայ եւ ասել. «Այս ժողովուրդը շրթունքներով է ինձ մեծարում, բայց իրենց սիրտը հեռացած բաժանուած է ինձնից. զուր են ինձ պաշտում. մարդկանց կողմից պատուիրուած վարդապետութիւններ են ուսուցանում»»:
Կեղծավորնե՛ր, Եսային լավ մարգարեացավ ձեր մասին և ասաց. «Այս ժողովուրդը շուրթերով է պատվում ինձ, իսկ սրտով հեռացել մեկուսացել են Ինձնից: Զուր են պաշտում Ինձ. սովորեցնում են մարդկանց կողմից պատվիրված ուսմունքներ»:
Կեղծավոր է ստուգապես, ով մի բան ասում, հակառակն է անում, ինչպես որ սրանք էին իրենց օրինապահ համարում և աստվածապաշտ անվանում, բայց հակառակը գործում: Եվ որպեսզի չժխտեին իրենց այդպիսին լինելը, [Հիսուսը] մարգարեական խոսքով է կնքում, թե [դեռևս] Եսային է կանխատես ստուգությամբ խոսել ձեր չարության մասին 816: Նաև դրանով Իրեն միավորում է Աստծո հետ, երբ ասում է. «Զուր են պաշտում Ինձ», այսինքն՝ սուտ աստվածապաշտներ են կոչվում և կամ էլ վարձատրություն չեն գտնում՝ Ինձ շուրթերով պատվելու պատճառով, որովհետև խորհուրդներով ու գործերով հեռացել են Ինձնից: «Սովորեցնում են մարդկանց կողմից պատվիրված ուսմունքներ». Աստծունն արհամարհում են, ասում է, և իրենցն են կամենում հաստատել՝ ըստ առաքյալի. «Իրենց արդարությունն են կամենում հաստատել» (հմմտ. Հռոմ. 1։3): Հետևաբար, Իմ [օրենքները] նրա համար են պահում, որ իրենցը պահեն, որից երևում է նրանց մարդապաշտ և ոչ թե աստվածապաշտ լինելը:
Մաղաքիա արք. Օրմանյան (†1918)
Կեղծաւորնե՛ր, Եսային լաւ է մարգարէացել ձեր վրայ եւ ասել.
Տե՛ս Մեկնություն Ավետարան ըստ Մատթեոսի գլուխ 15:1
Հաղորդում կայքում սխալի վերաբերյալ
Տվյալ հատվածում առկա է սխալ: