Եզեկիելի մարգարեության մեկնություն 43։18

Ա. Լոպուխին

«Եվ ասաց նա ինձ. «Մարդո՛ւ որդի, այսպես է ասում Տեր Աստված. սրանք են զոհասեղանի կանոններն այն օրվա համար, երբ այն կառուցեն դրա վրա ողջակեզներ մատուցելու և դրա վրա արյուն շաղ տալու համար»»։ [18] (Սինոդական թարգ․)
   

    Զոհասեղանի օծման կանոնները։ Զոհասեղանի՝ տաճարի այդ կենտրոնական մասի (չէ՞ որ հենց զոհասեղանի միջոցով էր Աստծո սրբությունը հաղորդակից դառնում ժողովրդին) վերաբերությամբ կարևոր են ինչպես դրա չափսերը, այդպես էլ դրա սրբացման (օծման) եղանակը։ Քանի որ մարգարեն ոչինչ չի ասում խորհրդավոր տաճարի օծման մասին, մինչդեռ զոհասեղանի օծումը մանրամասնորեն նկարագրվում է, ուստի, ակնհայտորեն, զոհասեղանի օծման նկարագրությունը «փոխարինում» է տաճարի օծման նկարագրությանը և համարժեք է դրան։ Զոհասեղանի օծման կանոնները մարգարեի կողմից կոչվում են «զոհասեղանի կանոններ» (սլավոներենում՝ «զոհասեղանի պատվիրաններ»)․․․
--------------------------------
[18](Էջմիածին թարգ․) Տէրն ինձ ասաց. «Մարդո՛ւ որդի, այսպէս է ասում Տէր Աստուած. «Զոհասեղանը գործածելու օրուայ հրահանգները սրանք են. նրա վրայ ողջակէզ մատուցել, շուրջը արիւն ցօղել:
(Արարատ թարգ․) Եվ ինձ ասաց. «Մարդո՛ւ որդի, այսպես է ասում Տեր Աստված. Սրանք են զոհասեղանի կանոններն այն օրը, երբ այն կառուցեն, որ նրա վրա ողջակեզ մատուցեն և նրա վրա արյուն շաղ տան։
(Գրաբար) Եւ ասէ ցիս Տէր. Որդի մարդոյ՝ ա՛յսպէս ասէ Տէր Տէր. Ա՛յս հրամանք են սեղանոյն. յաւուր գործուածոյ իւրոյ մատուցանել ‘ի վերայ նորա ողջակէզս, և հեղուլ առ նովաւ արիւն:

---