Եսայու մարգարեության մեկնություն 3։24

Ա. Լոպուխին

Անուշահոտությունների փոխարեն փտության հոտ պիտի լինի, զարդագոտու փոխարեն՝ պարան, հյուսված մազերի փոխարեն՝ ճաղատություն, լայն թիկնոցի փոխարեն՝ նեղ քուրձ, գեղեցկության փոխարեն՝ խարան։ (Սինոդական թարգ․) [24]
   
   Լայն թիկնոցը թևերի համար նախատեսված տեղեր ունեցող լայն զգեստն էր:

   Քուրձը, ավելի ստույգ ասած՝ պարկանման, նեղող հագուստն այն զգեստն էր, որը պատրաստված էր ամենից կոպիտ կտորից:

   Խարանը սովորաբար դրվում էր կենդանիների վրա՝ որպես մի որևէ հայտնի մարդու պատկանելու նշան: Այստեղից կարելի է եզրակացնել, որ անգամ հրեուհիները պետք է ստրկության վաճառվեին և խարանների պատճառով նրանց գեղեցկությունը պիտի եղծվեր:
--------------------------------
[24](Էջմիածին թարգ․) Եւ քո արարքների պատճառով անուշահոտութիւնների փոխարէն փոշի պիտի լինի, զարդանախշ զգեստների փոխարէն՝ չուան գօտի, ոսկեայ գլխազարդի փոխարէն՝ ճաղատութիւն, իսկ ոսկեհիւս դիպակի փոխարէն քուրձ պիտի հագնես:
(Արարատ թարգ․) Անուշահոտությունների փոխարեն փտության հոտ պիտի լինի, զարդագոտու փոխարեն՝ պարան, հյուսած խոպոպիկի փոխարեն՝ ճաղատություն, շքեղ պատմուճանի փոխարեն՝ քուրձից հագուստ, գեղեցկության փոխարեն՝ խարան։
(Գրաբար) Եւ եղիցի փոխանակ հոտոցն անուշից` փոշի. եւ փոխանակ կամարացն` չուան գաւտի. եւ փոխանակ ոսկեզարդու գլխոյն կնդութիւն` վասն գործոց քոց. եւ փոխանակ ոսկեհուռ դիպակին` քուրձ զգեցցիս:

---