Սուրբ Եփրեմ Ասորի
3–7․ Իսկ Երեմիան նրանց ասաց. «Այսպէ՛ս ասացէք Սեդեկիային. «Այսպէս է ասում Տէր Աստուածն Իսրայէլի. ահաւասիկ ես շուռ եմ տալու ձեր պատերազմական զէնքերը, որ բռնել էք ձեռքներիդ եւ նրանցով կռւում էք բաբելացիների արքայի ու քաղդէացիների դէմ, որոնք պարսպի դրսից պաշարել են ձեզ: Այդ զէնքերը հաւաքելու եմ քաղաքի մէջ: Ես էլ պիտի պատերազմեմ ձեր դէմ՝ ձեռքս երկարած, բազուկս բարձրացրած, սրտմտութեամբ, բարկութեամբ ու մեծ ցասմամբ: Այդ քաղաքի բնակիչներին, մարդ թէ անասուն, պիտի կոտորեմ սոսկալի մահով, ու նրանք պիտի մեռնեն»: Իսկ դրանից յետոյ, - ասում է Տէրը, - Յուդայի երկրի արքայ Սեդեկիային, իր ծառաներին ու ժողովրդին, որ այդ քաղաքի մէջ փրկուած կը լինեն մահից, սրից ու սովից, պիտի մատնեմ բաբելացիների Նաբուքոդոնոսոր արքայի ձեռքը, իրենց թշնամիների ձեռքը, այն մարդկանց ձեռքը, ովքեր հետամուտ էին սպանելու նրանց. նրանք սրի սայրով պիտի կոտորեն դրանց: Ես չեմ խնայելու դրանց, չեմ ողորմելու դրանց եւ չեմ գթալու դրանց»:
Երեմիան պատասխանում է, որ Տերը ամբարիշտներին չարությամբ է ոչնչացնելու (Մատթ. 21:41)՝ մինչ այդ թվարկված բոլոր մեղքերի, հատկապես աղքատներին ու տնանկներին ճնշելու համար, որոնց հրեաներն այդ ժամանակ վիրավորում և ճնշում էին:
Ա. Լոպուխին
«Եվ Երեմիան ասաց նրանց. «Այսպե՛ս ասացեք Սեդեկիային»»։ (Սինոդական թարգմ.) [3]
Տե՛ս Երեմիայի մարգարեության մեկնություն գլուխ 21:1
----------------------------------------
[3](Էջմիածին թարգմ.) Իսկ Երեմիան նրանց ասաց. «Այսպէ՛ս ասացէք Սեդեկիային.
(Արարատ թարգմ.) Եվ Երեմիան ասաց նրանց. «Այսպե՛ս ասացեք Սեդեկիային։
(Գրաբար) Եւ ասէ ցնոսա Երեմիայ. Այսպէս ասացէք ցՍեդեկիա։
Հաղորդում կայքում սխալի վերաբերյալ
Տվյալ հատվածում առկա է սխալ: