Սուրբ Եփրեմ Ասորի
26–27. Քո հրապարակներում պիտի ընկնեն երիտասարդները, բոլոր կռուող մարդիկ պիտի զոհուեն այն օրը, - ասում է Զօրութիւնների Տէրը: - Ես կրակ պիտի վառեմ Դամասկոսի պարսպի վրայ, որը պիտի ճարակի Ադերի որդիների ապարանքները»:
«Ադերի որդին», այսինքն՝ Բենադադը: Մարգարեն սյուներ է անվանում այն ամրոցներն ու շենքերը, որոնք Դամասկոսի հնագույն թագավոր Ադերը կանգնեցրել էր իր քաղաքն ու տունը զարդարելու համար: Նույն աղետը Աստված կանխատեսել էր Ամոս մարգարեի միջոցով՝ ասելով. «Կրակ պիտի գցեմ Ազայելի տունը, և այն պիտի ոչնչացնի Ադերի որդու տան հիմքերը» (Ամոս 1:4): Մարգարեն Ադերի որդուն հիշատակում է կա՛մ որպեսզի խորհրդավոր կերպով նրա քաղաքի պարիսպների անկմամբ ներկայացնի նրա թագավորության կործանումը, կա՛մ էլ, որպեսզի դրանով իսրայելացիներին ցույց տա Ազայելի և Ադերի որդիների (Բենադադ) պատճառած աղետների դիմաց նրանց տրվող պատիժները, ինչպես այդ մասին գրված է Թագավորությունների գրքերում (Գ Թագավորություններ. 15:18):
Ա. Լոպուխին
««Սրա համար նրա երիտասարդները վայր կընկնեն նրա փողոցներում, և բոլոր պատերազմիկները կզոհվեն այդ օրը, - ասում է Զորությունների Տերը»։ (Սինոդական թարգմ.) [26]
Տե՛ս Երեմիայի մարգարեության մեկնություն գլուխ 49:25
Տե՛ս Երեմիայի մարգարեության մեկնություն գլուխ 49։23
----------------
[26] (Էջմիածին թարգմ.) Քո հրապարակներում պիտի ընկնեն երիտասարդները, բոլոր կռուող մարդիկ պիտի զոհուեն այն օրը, - ասում է Զօրութիւնների Տէրը:
(Արարատ թարգմ.) Սրա համար նրա երիտասարդները վայր կընկնեն նրա հրապարակներում, և բոլոր պատերազմիկները կլռեցվեն այդ օրը,- ասում է Զորությունների Տերը։
(Գրաբար) Վասն այնորիկ անկցին երիտասարդք ի հրապարակս քո, եւ ամենայն արք պատերազմաւղք կործանեսցին յաւուր յայնմիկ՝ ասէ Տէր զաւրութեանց։
Հաղորդում կայքում սխալի վերաբերյալ
Տվյալ հատվածում առկա է սխալ: