Բացատրական աստվածաշունչ, Ա. Պ. Լոպուխինի (†1904)
«Եվ մարդիկ վախեցան մեծ երկյուղով ու ասացին նրան. «Ինչո՞ւ ես այդ բանն արել», որովհետև այդ մարդիկ իմացան, որ նա փախչում է Տիրոջ երեսից, ինչպես որ նա ինքն էր հայտնել նրանց»: (Սինոդական թարգ․)[10]
Այս համարում ներկայացվում են նավաստիների տպավորությունները մարգարեի խոսքից: «Մարդիկ վախեցան մեծ երկյուղով … որովհետև իմացան, որ նա փախչում է Տիրոջ երեսից»․ սա նշանակում է, որ նրանց վախը հոգևոր էր. նրանք վախեցան Տեր Աստծուց՝ սարսափելով Նրա մեծությունից ու զորությունից: Անկասկած, նավաստիները նաև զգացին, որ իրենց առաջ կանգնած է ոչ թե սովորական մարդ, այլ Աստծու կողմից ընտրված մեկը՝ Նրանից հայտնություն ստանալու համար, չնայած որ նա Տիրոջ առաջ մեծ մեղավոր էր: Եվ սա ակնառու է դառնում Հովնան մարգարեի հանդեպ նրանց հետագա վերաբերմունքից (12−14 համարներ):
--------------------------------
[10](Էջմիածին թարգ․) Մարդիկ շատ վախեցան եւ ասացին նրան. «Այդ ի՞նչ ես արել» (որովհետեւ իմացան, թէ փախել է Տիրոջից, քանի որ պատմեց նրանց):
(Արարատ թարգ․) Եվ այն մարդիկ շատ վախեցան և նրան ասացին. «Այդ ի՜նչ ես արել դու», որովհետև այդ մարդիկ իմացան, որ նա փախչում է Տիրոջ երեսից, քանզի պատմել էր նրանց։
(Գրաբար) Եւ երկեան արքն երկեւղ մեծ եւ ասեն ցնա. Զի՞նչ գործեցեր զայդ. զի գիտացին, թէ յերեսաց Տեառն փախուցեալ էր՝ քանզի պատմեաց նոցա։
Հաղորդում կայքում սխալի վերաբերյալ
Տվյալ հատվածում առկա է սխալ: