Ա․ Լոպուխին
22-23. Եվ այդ օրը Ես կառանձնացնեմ Գեսեմի երկիրը, որտեղ բնակվում է Իմ ժողովուրդը, ու այնտեղ ճանճ չի լինի, որպեսզի իմանաս, որ Ես եմ ողջ երկրի Տերը: [22] Ես պիտի բաժանեմ Իմ ժողովրդին քո ժողովրդից: Վաղն այս նշանը կլինի»»: (Սինոդական թարգ․)
Գեսեմ երկրի՝ պատուհասից անմասն մնալը պետք է որ հուշեր փարավոնին, որ դա Իսրայելի Աստծո բացարձակ, իր կողմից չընդունվող զորության հետևանքն էր: Նա կործանում է Եգիպտոսը, Նրա իշխանությունն ակնհայտ է այդ երկրի վրա՝ ի հակադրություն մարդկային անհաղթահարելի ջանքերի (Ելք 8:25), և միևնույն ժամանակ Նա չի վնասում Իր ժողովրդին՝ հանդիսանալով իշխող ազգային Աստված, ինչն էլ փարավոնին ցույց էր տրվել ավելի վաղ: Եթե այս նոր պատժի հարվածը տեղար ինչպես Եգիպտոսի, այնպես էլ Գեսեմի վրա, փարավոնն իրավունք կունենար մտածելու, որ դրանում ոչ մի արտասովոր բան չկա, ապա եգիպտացիների և Իսրայելի տարբերակում դնելու այս պարագայում (Ելք 8:23), ընդհակառակը, փարավոնի աչքին Ամենաբարձրյալը պիտի երևար իբրև «ամբողջ երկրի» Աստված (Ելք 8:22):
--------------------------------
[22](Էջմիածին թարգ․) Նոյն օրը ես զարմանահրաշ գործեր կ՚անեմ իմ ժողովրդի բնակած Գեսեմ երկրում, եւ այնտեղ շնաճանճեր չեն լինի, որպէսզի իմանաս, որ ե՛ս եմ Տէրը՝ ամբողջ երկրի Տէրը:
(Արարատ թարգ․) Եվ այդ օրը կառանձնացնեմ Գեսեմի երկիրը, որտեղ բնակվում է Իմ ժողովուրդը, ու այնտեղ շնաճանճ չի լինի, որպեսզի իմանաս, որ Ես եմ ողջ երկրի Տերը:
(Գրաբար) Եւ սքանչելի՛ արարից յաւուրն յայնմիկ զերկիրն Գեսեմ, յորում ժողովուրդն իմ իցէ. և մի՛ լիցի անդ շանաճանճ. զի գիտասցես թէ ե՛ս եմ Տէր. Տէր ամենայն երկրի։
Հաղորդում կայքում սխալի վերաբերյալ
Տվյալ հատվածում առկա է սխալ: