Սրբ․ Գրիգոր Տաթևացի
Աջ ու ձա՛խ տարածուիր, եւ քո սերունդը պիտի ժառանգի հեթանոսներին եւ պիտի կառուցի աւերուած քաղաքները:
Աջ և ձախ տարածվիր ։
Այսինքն՝ նախ հրեաների մեջ, որովհետև հրեաներն աջակողմում էին և տեղյակ՝ Օրենքին, իսկ ապա ձախակողմում, ուր հեթանոսներն էին, որ աչքի էին ընկնում իրենց անգիտությամբ: Դարձյալ, աջը աշխարհի արևելքն է, որտեղից ծագում է լույսը, իսկ ձախը արևմուտքն է, ուր խոր խավար է։ Այս ամենից պարզ է դառնում, որ մարգարեն աշխարհի չորս կողմերի համար է ասում:
Քո զավակները ժառանգելու են հեթանոսներին։
Այստեղ զավակները առաքյալներն ու նրանց հետևորդներն են՝ հայրապետներն ու վարդապետները:
Կառուցելու ես ավերված քաղաքները
«Ավերված քաղաքներ» ասելով նկատի ունի մարդու բնությունը, որովհետև այն ավերված էր՝ զուրկ բարի գործերից:
Ա. Լոպուխին
«Որովհետև դու պիտի տարածվես աջ ու ձախ, և քո սերունդները պիտի տիրեն ժողովուրդներին ու պիտի բնակեցնեն դատարկված քաղաքները։ [3] (Սինոդական թարգ․)
Տե՛ս Եսայու մարգարեության մեկնություն գլուխ 54:2
--------------------------------
[3](Էջմիածին թարգ․) Աջ ու ձա՛խ տարածուիր, եւ քո սերունդը պիտի ժառանգի հեթանոսներին եւ պիտի կառուցի աւերուած քաղաքները:
(Արարատ թարգ․) որովհետև դու պիտի տարածվես աջ ու ձախ, քո սերունդը պիտի ժառանգի ազգերին և բնակեցնի ավերված քաղաքները։
(Գրաբար) յաջ եւ յահեակ թռուսջիր, եւ զաւակ քո զհեթանոսս ժառանգեսցէ: եւ զքաղաքս աւերեալս շինեսցես:
Հաղորդում կայքում սխալի վերաբերյալ
Տվյալ հատվածում առկա է սխալ: