Բացատրական աստվածաշունչ, Ա. Պ. Լոպուխինի (†1904)
Եվ նա պատգամավորներ ուղարկեց Բաղաամի՝ Բեովրի որդու մոտ, Փաթուրն քաղաք, որը Եփրատ գետի վրա է, իր ազգակիցների երկրում, որպեսզի կանչի նրան և ասի. «Ահա մի ժողովուրդ է ելել Եգիպտոսից, որ ծածկել է երկրի երեսը և ապրում է իմ հարևանությամբ, (Սինոդական թարգ․)[5]
Ինչպես ցույց են տալիս հետագա իրադարձությունները, Բաղաամը սովորական հեթանոսական մոգ կամ կախարդ չէր։ Սա, անկասկած, մեծապես օժտված անձնավորություն էր, որն ունակ էր հասնելու ճշմարիտ Աստծո ըմբռմանը և Նրա ձայնի ընկալմանը (Թվ. 24։3, 4)։ Բաղաամը հեթանոսների մեջ գտնվող և ճշմարիտ Աստծուն պաշտող այն փոքրաթիվ մարդկանց թվին էր պատկանում, որոնք ավանդության միջոցով պահպանել էին ճշմարիտ հավատն ու բարոյականությունը։ Նա ապրել և գործել է այնտեղ, որտեղից մի ժամանակ դուրս էր եկել հրեաների նախահայր Աբրահամը, որտեղ մեծ մասամբ բնակություն էին հաստատել Սեմի հետնորդները, որտեղ հատկապես տարածված էին այն գիտությունները, որոնք հետազոտում էին երկնային լուսատուների շարժը և հաստատում Արարչի զորության և իմաստության անսահմանության գաղափարի վերաբերյալ մարդկային միտքը։ Եկեղեցական երգեցողության մեջ Բաղաամը կոչվում է աստղագետ (դեկտեմբերի 24−ի կանոնի 3−րդ երգ), իսկ հրաշալի աստղի ուղղորդմամբ Բեթխեհեմում ծնված Քրիստոսին երկրպագելու եկած մոգերը՝ Բաղաամ մոգի աշակերտներ (դեկտեմբերի 22−ի կանոնի 5−րդ երգ)։
Միայն շահույթ ստանալու ագահությունը (սա Բաղաամին դրդեց վաճառելու իր շնորհը) խանգարեց նրան Աստծո ճշմարիտ մարգարե դառնալ (Տերտուղիանոս, երանելի Հերոնիմոս)։
Հակառակորդի վրա կախարդանքով ազդելու հնագույն սովորությունը մինչ օրս պահպանվել է որոշ ժողովուրդների ռազմական պրակտիկայում։
--------------------------------
[5](Էջմիածին թարգ․) Նա պատգամաւորներ ուղարկեց Բէորի որդի Բաղաամի մօտ, Փաթուրն քաղաքը, իր ազգակիցների երկիրը, գետեզերքի մօտ, որպէսզի կանչի նրան ու ասի. «Ահա մի ժողովուրդ է դուրս ելել Եգիպտոսից, ծածկել երկրի երեսը եւ իջեւանել ինձ մօտ:
(Արարատ թարգ․) Նա պատգամախոսներ ուղարկեց Փաթուր քաղաքը, որ Եփրատ գետի ափին է, Բեորի որդի Բաղաամի մոտ, նրա ժողովրդի որդիների երկիրը՝ կանչելու և ասելու. «Ահա մի ժողովուրդ է դուրս ելել Եգիպտոսից, ծածկել է երկրի երեսը և եկել նստել է իմ դիմաց։
(Գրաբար) եւ առաքեաց հրեշտակս առ Բաղաամ որդի Բեովրայ` առ գէտ Փաթուրն. որ էր առ գետեզերբ յերկրի որդւոյ ազգին իւրոյ. կոչել զնա եւ ասել. Ահա` ազգ ել յԵգիպտոսէ, եւ ծածկեաց զերեսս երկրի. եւ նստի մաւտ առ իս:
Հաղորդում կայքում սխալի վերաբերյալ
Տվյալ հատվածում առկա է սխալ: