Սուրբ Հովհան Ոսկեբերան
Թագաւորը գնաց իր տուն, պառկեց առանց ընթրիքի, խորտիկ չմատուցեցին նրան, եւ նրա քունը փախաւ: Աստուած փակեց առիւծների բերանը, եւ նրանք չյօշոտեցին Դանիէլին:
Ասվում է, որ թագավորը չի ճաշել և չի քնել: Տե՛ս, թե որքան մեծ էր նրա սերը:
Ա. Լոպուխին
18-20. «Հետո թագավորը գնաց իր պալատը, առանց ընթրիք անելու պառկեց քնելու և նույնիսկ չհրամայեց, որ իրեն ուտելիք բերեն, ու քունը փախավ նրանից»։ [18] «Իսկ վաղ առավոտյան արշալույսին թագավորը վեր կացավ ու շտապ գնաց առյուծների գուբը»։ «Եվ, գբին մոտենալով, տրտմագին ձայնով կանչեց Դանիելին, և թագավորն ասաց Դանիելին. «Ո՛վ Դանիել, կենդանի Աստծո ծառա՛, քո Աստվածը, Որին դու անդադար պաշտում ես, կարողացա՞վ քեզ փրկել առյուծներից»։ (Սինոդական թարգ․)
Սիրված մեծավորի համար խոր վիշտը Դարեհի մեջ չի ոչնչացնում Դանիելի՝ հրաշքով փրկվելու հույսը (տե՛ս համար 16): Դրանից մղված՝ վաղ առավոտյան թագավորը ճանապարհ է ընկնում, որպեսզի պարզի՝ բավարարվել են արդյոք իր սպասելիքները, թե ոչ:
--------------------------------
[18](Էջմիածին թարգ․) Թագաւորը գնաց իր տուն, պառկեց առանց ընթրիքի, խորտիկ չմատուցեցին նրան, եւ նրա քունը փախաւ: Աստուած փակեց առիւծների բերանը, եւ նրանք չյօշոտեցին Դանիէլին:
(Արարատ թարգ․ 6։18) Հետո թագավորը գնաց իր պալատը և գիշերն անցկացրեց ծոմապահությամբ. նվագարաններ բերել չտվեց իր առաջ, և քունը փախավ նրանից։
(Գրաբար) Եւ գնաց թագաւորն’ի տուն իւր. և ննջեաց առանց ընթրեաց, և խորտիկ ո՛չ մուծին առաջի նորա. և քուն՝ հատա՛ւ’ի նմանէ։ Եւ եխի՛ց Աստուած զբերանս առիւծուցն, և ո՛չ լլկեցին զԴանիէլ։
Հաղորդում կայքում սխալի վերաբերյալ
Տվյալ հատվածում առկա է սխալ: