Սուրբ Եփրեմ Ասորի
Դո՛ւ, որի ձեռքը տվեց մարդու որդիներին, վայրի գազաններին, երկնքի թռչուններին ու ծովի ձկներին, որտեղ էլ որ ապրում են նրանք, և քեզ տեր կարգեց բոլորին:
Այսպիսով, սկսելով երազի մեկնաբանությունը, Դանիելը Բաբելոնի թագավորին ասում է. «Դու ես ոսկյա գլուխը»:
Սուրբ Հովհան Ոսկեբերան
Դո՛ւ, որի ձեռքը տվեց մարդու որդիներին, վայրի գազաններին, երկնքի թռչուններին ու ծովի ձկներին, որտեղ էլ որ ապրում են նրանք, և քեզ տեր կարգեց բոլորին:
Դու իշխում ես ոչ միայն քեզ նման մարդկանց, այլև անապատի և գլխավերևումդ եղածի վրա: Ուշադրությո՛ւն դարձրու, թե ինչպես է նա մատնանշում Աստծո կողմից սկզբում տրված պարգևը. «Տիրեցե՛ք դրան, իշխեցե՛ք ծովի ձկների վրա» (Ծննդ. 1։28), և դա այնպես է անում, որպեսզի դու իմանաս, որ Աստված նաև անապատի արարիչն է, և որ նա ստեղծել է ոչ միայն ընտանի, այլ նաև վայրի կենդանիներ: Դու ես թագավորը, արքաների արքան, որին երկնքի Աստվածը պարգևել է թագավորություն, զորություն, իշխանություն, փառք և մարդկանց բոլոր որդիներին, որտեղ էլ որ նրանք բնակվելիս լինեն: Նա այլևս չի ասում. «Երկնքում Աստված կա»: Տե՛ս, թե ինչպես է նա աստիճանաբար ուսուցանում (Աստծո մասին) վարդապետությունը: Նախ մարգարեն ասում է, որ Տերը բնակվում է երկնքում, որպեսզի նրանք Նրան երկրին մոտ չպատկերացնեն: Երբ արքան ընտելանում է այս մտքին, նա անցնում է առաջ և ցույց տալիս, որ Աստված ինքն է երկնքի Արարիչը՝ Տերը և Աստվածը, և չի պարփակվում որևէ վայրում, բայց բոլոր վայրերը Նրա ստեղծածն են: Եթե Նա երկնքի Տերն է, ապա Նա կարող է քեզ տալ երկիրը: Նա Ինքը վերցրեց երկինքը, իսկ ձեզ տվեց երկիրը: Ինչպիսին Նա այնտեղ է, նույնպիսին դու ես երկրի վրա` բոլորից բարձր, բոլորի տեր, բոլորի գլուխ: Երկրային օրհնություններից Նա քեզ ավելին տվեց, քան մյուսներին, քեզ գլուխ դարձրեց և արքայությունդ՝ ոսկուց, մաքուր ոսկուց, ցույց տվեց, քանզի «դու ես ոսկյա գլուխը»:
Ա. Լոպուխին
«Եվ մարդկանց բոլոր որդիներին, որտեղ էլ որ նրանք բնակվելիս լինեն, երկրի գազաններին ու երկնքի թռչուններին Նա հանձնել է քո ձեռքը և քեզ իշխան է կարգել նրանց բոլորի վրա. դու ես այդ ոսկե գլուխը»։ (Սինոդական թարգ․) [38]
Տե՛ս Դանիելի մարգարեության մեկնություն գլուխ 3(2):37
--------------------------------
[38] (Էջմիածին թարգ․) Դո՛ւ, որի ձեռքը տուեց մարդու որդիներին, վայրի գազաններին, երկնքի թռչուններին ու ծովի ձկներին, որտեղ էլ որ ապրում են նրանք, եւ քեզ տէր կարգեց բոլորին:
(Արարատ թարգ․ 2։38) Եվ որի ձեռքն է հանձնել մարդկանց որդիներին, երկրի գազաններին ու երկնքի թռչուններին իրենց բնակության բոլոր վայրերում և քեզ իշխան է կարգել նրանց բոլորի վրա. դու ես այդ ոսկե գլուխը։
(Գրաբար) և ընդ ամենայն տեղիս ուր բնակեալ են որդիք մարդկան. զգազանս վայրի՝ և զթռչունս երկնից՝ և զձկունս ծովու ետ’ի ձեռս քո. և կացոյց զքեզ տէ՛ր ամենայնի։ Դո՛ւ ես գլուխն ոսկի.
Հաղորդում կայքում սխալի վերաբերյալ
Տվյալ հատվածում առկա է սխալ: