Ա․ Լոպուխին
5-6․ Դա տեսնելու է Ասկաղոնն ու սարսափելու է, տեսնելու է Գազան ու ահի է մատնվելու, տեսնելու է Ակկարոնն ու վերանալու է նրա հույսը. Գազայում այլևս թագավոր չի լինելու, իսկ Ասկարոնն էլ անբնակ է դառնալու: (Սինոդական թարգ․) [5] Օտար ազգ է բնակվելու Ազոտում, ու Ես ոչնչացնելու եմ փղշտացիների գոռոզամտությունը:
Հաջորդիվ թվարկվում են փղշտացիների մի քանի քաղաքներ, որոնցից յուրաքանչյուրին առանձին−առանձին տարբեր աղետներ են սպառնում, որոնք, ըստ էության, վերաբերում են նաև բոլորին որպես ամբողջություն: Ընդ որում՝ յուրաքանչյուր առանձնահատուկ հատկանիշ ավելի պարզ է դարձնում մարգարեի կողմից հիշատակված քաղաքների վերջնական կործանման մասին մատնանշումը:
--------------------------------
[5](Էջմիածին թարգ․) Ասկաղոնը պիտի տեսնի դա եւ սարսափի, Գազան սաստիկ պիտի մորմոքուի, Իսկ Ակկարոնը, իր գործած յանցանքների պատճառով, պիտի տագնապի ամօթահար: Գազայից վերանալու է թագաւորը, Ակկարոնը պիտի լինի անբնակ:
(Արարատ թարգ․) Ասկաղոնը պիտի տեսնի և վախենա, Գազան սաստիկ պիտի գալարվի, և Ակկարոնը ևս, որովհետև հույսը ամոթահար պիտի լինի. Գազայից պիտի կորչի թագավորը, և Ասկաղոնը չպիտի բնակեցվի։
(Գրաբար) Տեսցէ Ասկաղոն եւ երկիցէ. եւ Գազա՝ մորմոքեսցի յոյժ. եւ Ակկարոն՝ զի յամաւթ եղեւ ի վերայ յանցանաց իւրոց. եւ կորիցէ թագաւոր ի Գազայ. եւ Ակկարոն մի բնակեսցէ։
Հաղորդում կայքում սխալի վերաբերյալ
Տվյալ հատվածում առկա է սխալ: