1. Եւ եղեւ սահմանք որդւոցն Յովսեփայ Յորդանանէ հանդէպ երէքովի, յարեւելից ընդ անապատն. Եւ ամբառնան յերէքովէ ի լեռնակողմն անապատին ի Բեթէլլուզա: եւ անցանեն առ սահմանաւք Արքիատարովթայ:
3. Եւ ելանեն ընդ ծովակողմ ի սահմանսն Յեփաղթեայ, մինչչեւ ցսահմանն Բեթրովնա ներքնոյ, եւ մինչչեւ ցԳազեր. եւ եղիցին ելք նոցա ընդ ծովակողմ:
4. եւ ժառանգեցին որդիքն Յովսեփայ` Եփրեմ եւ Մանասէ:
5. Եւ եղեւ սահմանք որդւոցն Եփրեմի ըստ տոհմից իւրեանց: եւ եղեն սահմանք ժառանգութեան նոցա, յարեւելից` Աստարովթ, եւ Ադար, մինչ ցԲեդորովն վերին, եւ ցԳազարա:
6. եւ անցցեն սահմանքն ընդ ծովակողմն ի Մաքովթ ի հիւսւսոյ. եւ պատեսցի սահման ընդ արեւելս ի Թենաթսեղով. եւ անցցէ յարեւելից առ յԱնովաւ:
7. եւ իջցէ յԱնովէ յԱտարովթ, եւ ի Նարաթա. եւ աւանք նոցա: Եւ անցցեն առ երէքովիւ, եւ հանցեն ի Յորդանան.
8. եւ ի Թապփուեա անցցեն սահմանքն ի ծովակողմն ի հեղեղատն Կանայ. եւ եղիցին ելք նորա ի ծովակողմն: Այս է ժառանգութիւն ցեղի որդւոցն Եփրեմայ ըստ տոհմից իւրեանց:
9. Եւ քաղաքքն զատուցեալք որդւոցն Եփրեմա, ի մէջ աւանդութեան որդւոցն Մանասէի: ամենայն քաղաքք եւ աւանք նոցա:
10. Եւ ոչ կորոյս Եփրեմ զՔանանացին բնակեալ ի Գազեր. եւ բնակէր Քանանացին ի մէջ Եփրեմայ մինչչեւ ցայսաւր: Մինչչեւ ել փարաւովն արքայ Եգիպտացւոց եւ առ զքաղաքն` եւ այրեաց զնա հրով. եւ զՔանանացին եւ զՓերեզացին բնակեալս ի Գազեր խոցոտեաց. եւ ետ զնա փարաւովն պաշտատական դստեր իւրում. եւ եղեն ծառայք հարկատուրք:
Հաղորդում կայքում սխալի վերաբերյալ
Տվյալ հատվածում առկա է սխալ: