1․ Եւ ել յերկրորդ վիճակէն Շմաւոնի ցեղի որդւոցն Շնմաւովնի ըստ տոհմից իւրեանց: եւ եղեւ ժառանգութիւն նոցա ի մէջ որդւոցն Յուդա:
2․ Եւ եղեւ վիճակ նոցա, Բերսաբէէ, եւ Սաբէէ, եւ Մովղադա,
3․ եւ Ասերսուաղ, եւ Բաթուղ, եւ Բովղա, եւ Աւում,
4․ եւ էղթուզաադ, եւ Երմա.
5․ եւ Սիկէեղայ, եւ Բաթամ, եւ Մարքաբովթ, եւ Ասերսուսիմ.
6․ եւ Բեթղաբաթ. եւ ակարակք նոցա. քաղաքք երեքտասանք, եւ աւանք նոցա:
7․ Ային, եւ Ռեմմովն, եւ Եթեր, եւ Ասան. քաղաքք չորք, եւ աւանք նոցա:
8․ եւ ամենայն ագարակք շուրջ զքաղաքաւն այնոքիւք, մինչչեւ զԲաաղեթ Բերամովթ, ի մուտս Յամեթա ընդ հարաւ: Այս է ժառանգութիւն ցեղի որդւոցն Շմաւոնի ըստ տոհմից իւրեանց.
9․ ի վիճակէն Յուդայ ժառանգութիւն ցեղի որդւոցն Շմաւովնի. քանզի եղեւ բաժին որդւոցն Յուդայ մեծ քան զնոցայն. եւ ժառանգեցին որդիքն Շմաւովնի ի մէջ վիճակին նոցա:
10․ Եւ ել երրորդ վիճակն Զաբաւղովնի, ըստ տոհմից իւրեանց. Եւ եղիցի սահմանք ժառանգութեան նոցա մինչչեւ ցՍարգիթ.
11․ սահմանք նոցա ծովն, եւ Մարաղա. եւ հասցէ ցԴաբսաթն. եւ հանդիպիցին ձորոյն` որ է հանդէպ յԵկնամայ:
12․ եւ դարձցին ի Սարիդա դէմ յանդիման յարեւելից Բեթսամեայ, ի սահմանս Քասաղոթ Բաթովրա, եւ անցցեն ի Դաբարաթ. Եւ ամբարձցին առ Յափագայիւ:
13․ Եւ անտի պատեսցին հանդէպ ընդ արեւելս ձգեալ ի քաղաքն Կատասիմ. եւ անցցեն Յռեմմովն, Յամաթարիման Նուայ.
14․ եւ պատեսցին զսահմանաւքն հիւսւսի Ցեննաթովն. եւ եղիցին ելք նոցա ի Գայի` Յեփթաէլի,
15․ եւ ընդ Կատտամաթ, եւ ընդ Նաաղովղ, եւ Սեմրովն, եւ ընդ Յադելա, եւ ընդ Բեթղէէմ, քաղաքք երկոտասանք եւ աւանք նոցա:
16․ Այս է ժառանգութիւն ցեղի որդւոցն Զաբաւղովնի ըստ տոհմից իւրեանց քաղաքք նոցա եւ աւանք իւրեանց:
17․ Եւ Իսաքարայ ել չորորդ վիճակն. որդւոցն Իսաքարու ըստ ազգականութեանն իւրեանց:
18․ Եւ են սահմանք նոցա, Յեզրաէլ, եւ Աքասեղոթ, եւ Սունամ,
19․ եւ Ափարեմ, եւ Սիան,
20․ եւ Ռեթան, եւ Անարեթ,
21․ եւ Ռաբբովդ, եւ Կէսիովն, եւ Այեմէս, եւ Ռամաթ, եւ Ենգաննիմ, եւ Ենադդա, եւ Բեթփասէս:
22․ եւ կցեսցին սահմանքն ի Թաբովթ, եւ ի Սասիմ ընդ ծովակողմն, ի Բեթսամաս. եւ եղիցի ել սահմանաց նոցա Յորդանան. քաղաքք վեշտասանք եւ աւանք նոցա:
23․ Այս է ժառանգութիւն ցեղի որդւոցն Իսաքարու ըստ տոհմից իւրեանց. քաղաքք եւ ագարակք իւրեանց:
24․ Եւ ել վիճակն հինգերորդ ցեղի որդւոցն Ասերայ ըստ տոհմից իւրեանց:
25․ Եւ եղեն սահմանք նոցա, Քեղկաթ, եւ Ողիոզիի, եւ Բատնէ, եւ Աքսափ,
26․ եւ Ամադ, եւ Սասաղ. եւ կցեսցի ի Կարմեղ ընդ ծովակողմն. եւ ի Սիովր, եւ ի Լիբանանէ:
27․ եւ դարձցին յարեւելից կողմանէ Բեւթռագովնա, եւ կցեսցին ի Զաբուղովն եւ ի Գայի, Յեփթաէլի. ընդ հիւսւսի. եւ մտցեն սահմանքն ի Սափթայ Բեթամեկ. եւ գնասցեն ընդ սահմանակիցսն Անիէլի, եւ անցցեն ի Քաբող, յահեկէ կողմանէ,
28․ եւ Ցաքրան, եւ Յռոովբ, եւ Յամմովն, եւ ի Կանայի մինչչեւ ի Սիդովն մեծ:
29․ Եւ դարձցին սահմանքն Յռամա մինչչեւ ցքաղաք ամրոցին Տիւրացւոց. եւ դարձցին սահմանքն ի Սողսա. եւ եղիցին ելք նորա ծովն. եւ ի վիճակէն Աքիզիփա:
30․ Եւ Ամմա, եւ Սափեկա, եւ Ռաւովբա. քաղաքք քսան եւ երկու, եւ աւանք նոցա:
31․ Այս է ժառանգութիւն ցեղի որդւոցն Ասերայ ըստ տոհմից իւրեանց. քաղաք նոցա եւ աւանք իւրեանց:
32․ Եւ Նեփթաղիմայ ել վիճակն վեցերորդ. որդւոցն Նեփթաղիմայ ըստ տոհմից իւրեանց:
33․ Եւ եղեն սահմանք նոցա. Մեեղեփ, եւ Մայեղովմ, եւ Բեսանայիմ, եւ Արսէ, եւ Նակեբ, եւ Յաբնէլ, մինչչեւ Ցղակու. եւ եղեն ելք նոցա Յորդանան:
34․ եւ դարձցին սահմանք նոցա ի ծովն Ազանոթ Թաբովր, եւ անցցեն անտի ի Կողկ. եւ կցեսցին ի հարաւոյ Զաբուղովնի եւ Ասերայ. կցեսցին ի ծովակողմն եւ ի Յուդայ, եւ Յուդանն յարեւելից կողմանէ:
35․ Եւ քաղաքք պարսպաւորք Տիւրացւոց. Տիւրոս, էամաթ, եւ Դեկկադ, եւ Քեներեթ.
36․ եւ Ադիմի, եւ Ռամմա, եւ Ասովբ:
37․ եւ Կեդէս, եւ Եդրաի, եւ Ակնասովր,
38․ եւ Յարովն, եւ Մակդաղիէլ. Ովրամ, եւ Բեթանաթ, եւ Թասմուս. քաղաքք ինն ու տասն, եւ աւանք նոցա:
39․ Այս է ժառանգութիւն ցեղի որդւոցն Նեփթաղէմի. ըստ տոհմից նոցա, քաղաքք եւ ագարակք իւրեանց:
40․ Եւ ցեղի որդւոցն Դանայ ըստ տոհմից իւրեանց, եւ վիճակն եւթներրորդ:
41․ Եւ եղեն սահմանք նոցա ժառանգութեան. Սարաա եւ Եսթաող:
42․ եւ քաղաքն Ասմէա, եւ Վաղաբին, եւ Յաաղովն, եւ Ցեթղայ, եւ Եղոն, եւ Թամնա,
43․ եւ ակկարովն. եւ Եղթեկովն, եւ Դաբատթովն, եւ Բաաղովթ.
44․ եւ Յութ, եւ Բանեբարակ.
46․ եւ Գեթրիմմովն. եւ ի ծովէն Բաղէից, եւ Բակովնա. սահման մերձ ի Յոպպէ:
47․ եւ ել սահման որդւոցն Դանայ ի նոցանէն: Այս է ժառանգութիւն ցեղի որդւոցն Դանայ` ըստ տոհմից իւրեանց, քաղաք եւ աւանք իւրեանց: Եւ ոչ ջնջեցին որդիքն Դանայ զԱմուրհացին նեղիչն իւրեանց ի լերինն. եւ ոչ թողին զնոսա Ամուրհացիքն իջանել ի հովիտսն. եւ նեղէին ի նոցանէ զսահման բաժինն իւրեանց: Եւ գնացին որդիքն Դանայ եւ ետուն պատերազմ ընդ Ղեսեմայ, եւ առին զնա, եւ հարին զնա սրով սուսերի. եւ ժառանգեցին զնա. եւ բնակեցին ի նմա. եւ անուանեցին զՂեսեմ, Գան, ըստ անուան հաւրն իւրեանց:
48․ Այս է ժառանգութիւն ցեղի որդւոցն Դանայ ըստ ազգականութեան իւրեանց. քաղաքք այսոցիկ եւ ագարակք իւրեանց:
49․ Եւ վախճանեցին զերկիրն զժառանգել ըստ սահմանաց իւրեանց. ԽԳ Եւ Ամուրհացին տեւեաց բնակել Յերովմ, եւ ի Սաղազիմ. եւ ծանրացաւ ձեռն Եփրեմի ի վերայ նոցա. եւ եղեն նոցա հարկատուք: եւ գնացին նկատել զերկիրն ըստ սահմանաց նոցա: Եւ ետուն որդիքն Իսրայէղի ժառանգութիւն Յեսովեա որդւոյ Նաւեայ ի մէջ իւրեանց
50․ հրամանաւ Տեառն. եւ ետուն նմա զքաղաքն` զոր խնդրեաց զԹամնաթսարա` որ է ի լերինն Եփրեմի. եւ շինեաց զքաղաքն` եւ բնակեցաւ ի նմա:
51․ Այս են բաժինք` զոր ժառանգեցոյց Եղէազար քահանայ, եւ Յեսու Նաւեան, եւ իշխանք նահապետութեանց ցեղիցն Իսրայէղի, վիճակաւք ի սելով առաջի Տեառն առ դրան խորանին վկայութեան. եւ գնացին նկատել զերկիրն:
Հաղորդում կայքում սխալի վերաբերյալ
Տվյալ հատվածում առկա է սխալ: