1․ Եւ այս են որ կնքեն զգիրս զայս հաւատարմութեան առ քեզ. Նեեմիա որդի Աքաղիայ. եւ Սեդեկիա որդի
2․ Սարերա. եւ Ազարիա. եւ Երեմիա.
3․ եւ Փասուր. Ամարիա. Միքիա.
4․ Ատտուս. Ասաբանիա. Մաղուք.
5․ Եմաթ. Մերամովթ. Աբդիա.
6․ Դանիէլ. Կանաթոն. Բարուք.
7․ Մեսուղամ. Աբիա. Միամին.
8․ Մադիա. Բեղդեէ. Սեմէի: Այս ամենեքեան են քահանայք`
9․ եւ ղեւտացիք. Յեսուս որդի Ազանիա. Բանիա որդւոյ Ենադադայ. Գաղմիէլ.
10․ եւ եղբարք նորա. Սեբանիա. Ոդուիա. Կաղիտան. Փեղիաման.
11․ Միքա. Հռովբա. Սեբի.
12․ Զաքուր. Սարաբիա. Սատանիա:
13․ Որդիք Բանունեայ.
14․ իշխանք ժողովրդեանն. Փորխ. Փարադմովաբ. Եղամ. Զատթուրա:
15․ Որդիք Բանեայ` Ազուրաթ. Բերայի.
16․ Ադոնիա. Բադու. Եգինատեր.
18․ Եզեկիա. Ազուիայիդա.
19․ Ասամ. Բեսէի.
20․ Արիփ. Անաթովթ. Նովրա.
21․ Մոդափէս. Մեսուղամ. Եզր.
22․ Մենոզաբէէլ. Զադուկ. Եդովք.
23․ Փաղիտա. Անան. Անիա.
24․ Ասէէ. Անանիաս.
25․ Հռայում. Էսաբանան, Մայաղուա.
26․ Այիա. Էնան. Աւնան.
27․ Մաղուս. Հռէում:
28․ Եւ այլեւս մնացորդք ժողովրդեանն` քահանայք եւ ղեւտացիք, դռնապանք` երգեցիկք` նաթանացիք. եւ ամենեքեան ժողովուրդքս որք լսեմք զաւրէնս տեառն Աստուծոյ մերոյ, դնեմք վկայութիւն այսաւր առաջի քո` արք եւ կանայք. որդիք եւ դստերք իւրեանց:
29․ Եւ որ միանգամ անցցէ զաւրինաւք քովք, երդմամբ հաստատեմք այսաւր առաջի քո. եղիցի նա ի նզովս եւ յանէծս, որ ոչ պահեսցէ զաւրէնս քո որ տուաւ ի ձեռն Մովսիսի ծառայի քոյ. այլ ամենայն կամաւք մերովք պահեսցուք, եւ արասցուք զամենայն պատուիրանս տեառն Աստուծոյ, եւ զդատաստանս նորա եւ զհրամանս:
30․ Եւ մի տացուք զդստերս մեր ուստերաց ժողովրդոց աւտարաց, եւ զդստերս հեթանոսաց ոչ առցուք որդւոց մերոց:
31․ Եւ ժողովուրդ երկրիս այսորիկ ոչ բերիցեն առ մեզ վաճառս յաւուր շաբաթու. եւ ոչ գնեսցուք ի նոցանէ շաբաթուն. զի աւր սուրբ է, եւ սուրբ պահեսցուք զաւրն եւթներորդ:
32․ Եւ տացուք զողորմութիւնս երրորդ Դիդրաքմայի ամ ըստ ամէ ի հարկ տանն Աստուծոյ:
33․ եւ զհաց զառաջէից, եւ զզոհս ըստ ժամանակս ժամանակս եւ զողջակէզս յամենայն տաւնս եւ ի տարեկանս, եւ ի շաբաթս, եւ յամսամուտս, եւ ի նաւակատիս` եւ ի սրբութիւնս, եւ վասն մեղաց` որ են ի քաւութիւնս Իսրայէլի` եւ ի գործս տաճարին տեառն Աստուծոյ մերոյ:
34․ Եւ վիճակս արկցուք վասն ժառանգութեան փայտիցն, որ երթայ քահանայիցն եւ ղեւտացւոցն, եւ ժողովուրդն բերցէ ի տուն Աստուծոյ մերոյ` ի տունս հարցն մերոց ըստ ժամանակս ժամանակս ամ ըստ ամէ` զորս արժան է այրել ի վերայ սեղանոյ զոհից տեառն Աստուծոյ մերոյ, որպէս եւ գրեալ է յաւրէնսն Մովսիսի:
35․ Եւ տացուք զպտուղս զառաջաւորութեան երկրի մերում, եւ զպտուղս ծառոց մերոց ամ ըստ ամէ ի տուն տեառն Աստուծոյ մերոյ:
36․ եւ զԴիդրաքմայս անդրանկաց որդւոց մերոց, եւ զանդրանիկս անասնոց մերոց` որպէս եւ գրեալ է յաւրէնսն Մովսիսի. եւ զանդրանիկս արջառոց մերոց եւ հաւտից բերցուք ի տուն Աստուծոյ մերոյ` քահանայից մերոց ղեւտացւոց` որք կան ի սպասու տան Տեառն:
37․ եւ զառաջաւորս ցորենոյ, եւ զպտուղս ծառոց` գինւոյ եւ ձիթոյ բերցուք առ քահանայսն ի տուն գանձանակին Աստուծոյ: Եւ զտասանորդս երկրիս մերոյ ղեւտացիքն շրջեսցին` եւ առցեն զամենայն բովանդակ:
38․ եւ եղիցի քահանայ որդի Ահարոնի, որ տասանորդեսցէ զղեւտացիսն. եւ ղեւտացիքն ի տասանորդաց մերոց տասանորդեսցեն քահանային մեծի ի տուն Աստուծոյ մերոյ, ի տուն գանձանակին որ կան ի տաճարին Տեառն:
39․ վասն զի կացցէ ի գանձել ի համբարս որդւոց ղեւտացւոցն, եւ սպասաւորաց` ի տեղիսն ուր կահ սրբութեանցն. եւ եղիցի քահանայիցն եւ ղեւտացւոց եւ դռնապանաց, եւ երգեցկաց սաղմոսասաց. եւ մի պակասեսցէ նոցա ռոճիկ երբէք ի տանէ Աստուծոյ մերոյ. եւ մի նոքա զսպաս Տեառն խափանեսցեն:
Հաղորդում կայքում սխալի վերաբերյալ
Տվյալ հատվածում առկա է սխալ: