Բացատրական աստվածաշունչ, Ա. Պ. Լոպուխինի (†1904)
Պահի՛ր բաղարջակերաց տոնը. ինչպես քեզ պատվիրել եմ, յոթ օր անթթխմոր հաց կուտես Ավիվ ամսվա սահմանված ժամանակին, որովհետև այդ ամսին դուրս եկար Եգիպտոսից: Եվ ոչ ոք ձեռնունայն չերևա Իմ առաջ: (Սինոդական թարգ․)[15]
Բաղարջակերաց տոնը, որի առաջին օրը Ավիվ ամսի 15-րդ օրն էր (Ղևտ. 23:6), համընկնում էր հնձի սկզբի հետ (Ղևտ. 10, Բ Օր. 16:9) և, որպես երախտագիտություն նոր հասունացած հացի, ինչպես նաև Աստծո ողորմածությանը հասնելու համար դրա երկրորդ օրը տեղի էր ունենում հնձի առաջին խրձի նվիրաբերումը Տիրոջը (Ղևտ. 23:10, 11), և այդ ժամանակից սկսած թույլատրվում էր նոր հացի ճաշակումը (Ելք 23:14):
--------------------------------
[15](Էջմիածին թարգ․) Բաղարջակերաց տօնը կը պահէք: Նոր բերքի ամսին եօթը օր բաղարջ հաց կ՚ուտէք, ինչպէս պատուիրել եմ ձեզ, որովհետեւ դուք ա՛յդ ժամանակ ելաք Եգիպտացիների երկրից: Իմ առաջ դատարկաձեռն չերեւաս:
(Արարատ թարգ․) Պահի՛ր բաղարջակերաց տոնը. ինչպես քեզ պատվիրել եմ, յոթ օր անթթխմոր հաց կուտես Աբիբ ամսվա սահմանված ժամանակին, որովհետև այդ ամսին դուրս եկար Եգիպտոսից: Եվ ոչ ոք ձեռնունայն չերևա Իմ առաջ:
(Գրաբար) Զտաւն բաղարջակերացն պահեսջիք. զեւթն աւր բաղարջ կերիջիք, որպէս պատուիրեցի ձեզ ըստ ժամանակի ամսոյն կանխոց. զի ի նմա ելէք դուք յերկրէն Եգիպտացւոց: Ոչ երեւեսցիս առաջի իմ դատարկաձեռն:
Հաղորդում կայքում սխալի վերաբերյալ
Տվյալ հատվածում առկա է սխալ: